![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/7/79/Waldhufen.png/640px-Waldhufen.png&w=640&q=50)
Łanowc
sydlišćowa forma / From Wikipedia, the free encyclopedia
Łanowc (němsce Waldhufendorf) je sydlišćowa forma wsow, kotraž wustupuje husto na něhdyšich trjebjenišćach, kaž na přikład we Łužiskich horach. Jedna so wo rjadowc, w kotrymž saha so rola jednotliwych wobsedźerjow wot statoka hač k lěsnej kromje. Puć a zwjetša rěčka tworitej srjedźnu wósku wsy.
![Thumb image](http://upload.wikimedia.org/wikipedia/commons/thumb/7/79/Waldhufen.png/640px-Waldhufen.png)
W běhu saksko-frankowskeho wobsydlenja dotal njewobsydlenych hórskich kónčin Hornjeje Łužicy a Rudohorow w 12. a 13. lětstotku bě łanowc typiska wjesna forma nowozałoženych sydlišćow, mjeztym zo bydlachu Serbja w niskich kónčinach zwjetša w kulowcach.
Dalše kónčiny z łanowcami su Bohotska, Sudety, Beskidy, Durinski lěs, Čorny lěs, Šumawa a Šmrěčiny.