Durinski lěs

Durinski lěs (němsce Thüringer Wald) je lěsojte srjedźne horiny na juhu Durinskeje a twori zdobom sewjernu hranicu Frankowskeje. We wušim zmysle wobsteja horiny z něhdźe 70 kilometrow dołheho a 20 kilometrow šěrokeho hórskeho rjećaza mjez dolinu Werry pola Eisenacha a dołomaj rěčkow Schleuse a Wohlrose juhowuchodnje Ilmenauwa.

Karta Durinskeho lěsa

Hromadźe z Durinskimi šćěpjelowymi horinami, Frankskim lěsom a Šmrěčinami twori Durinski lěs rjećaz Durinsko-frankowskich srjedźnych horin, kotryž saha wot Werry hač k čěskej hranicy. Wone předstajeja zdobom wódny rozwod mjez Solawu (a Łobjom) na sewjerowuchodźe a Werru (resp. Weseru) kaž tež Mohanom (resp. Rynom) na juhozapadźe.

Cyłe horiny steja jako přirodny park pod škitom, jich žro twori krućišo škitany biosferowy rezerwat Durinski lěs. Přez nimale cyłu dołhosć hórskeho rjećaza wjedźe na hrjebjenju woblubowana pućowanska šćežka Rennsteig.

Najwyša hora w Durinskim lěsu je Wulki Beerberg (983 m).

Wotkazaj

 Commons: Durinski lěs – Zběrka wobrazow, widejow a awdiodatajow

• Webstrona přirodneho parka Durinski lěs (němsce)

Srjedźne horiny Němskeje

Bayerski lěs | Čorny lěs | Durinske šćěpjelowe horiny | Durinski lěs | Eifel | Frankska alba | Frankski lěs | Hessenske hory | Hornjopfalcowski lěs | Hunsrück | Łužiske hory | Odenski lěs | Pfalcowski lěs | Połobske pěskowčiny/Sakska Šwica | Rhön | Rudne horiny | Sauerland | Smoliny | Spessart | Šmrěčiny | Šumawa | Šwabska alba | Taunus | Vogelsberg | Westerwald | Žitawske horiny

50.66666666666710.75