Křesćansko-demokratiska unija Němskeje
politiska strona w Němskej / From Wikipedia, the free encyclopedia
Křesćansko-demokratiska unija Němskeje (němsce Christlich Demokratische Union Deutschlands, skrótka CDU) je konserwatiwna, demokratiska strona w Němskej, kotraž bu dnja 26. junija 1945 załožena. Wona je tradicionelnje nimo SPD jedna z dweju tak mjenowaneju ludoweju stronow w Němskej.
Emblem | |
Předsyda | |
Zakładne daty | |
---|---|
swójske mjeno | Christlich Demokratische Union Deutschlands |
kraj | Němska |
załoženje | 26. junija 1945 |
předsyda | Friedrich Merz |
generalny sekretar | Mario Czaja |
čłony | 384.204 (dec. 2021) |
młodźinska organizacija | Młoda unija (JU) |
Předsyda je jako naslědnik Annegret Kramp-Karrenbauer a Armina Lascheta wot januara 2022 Friedrich Merz, kiž bě hižo wot 2000 do 2002 frakciski předsyda strony w zwjazkowym sejmje a z tym wjednik opozicije.
W powójnskich stawiznach Němskeje staješe CDU hač do lěta 2021 cyłkownje 53 wot 72 lět zwjazkoweho kanclera. Kanclerojo z rjadow CDU běchu Konrad Adenauer (1949–63), Ludwig Erhard (1963–66), Kurt Georg Kiesinger (1966–69), Helmut Kohl (1982–98) a Angela Merkel (2005–21).
W tuchwilnym 20. němskim zwjazkowym sejmje ma CDU 152 wot cyłkownje 736 sydłow.