Karlovarský kraj
jedyn ze 14 krajow w Čěskej / From Wikipedia, the free encyclopedia
Karlovarský kraj je jedyn ze štyrnaće krajow Čěskeje republiki. Nadeńdźe so w zapadnych Čechach a ma něhdźe 295.000 wobydlerjow. Zarjadniske sydło a z nimale 50.000 wobydlerjemi najwjetše město su Karlowe Wary (Karlovy Vary).
| |||
Zakładne daty | |||
---|---|---|---|
přestrjeń | 3.314 km² | ||
wobydlerstwo | 295.686 (1. jan 2018)[1] | ||
hustosć zasydlenja | 89 wob. na km² | ||
sydło | Karlowe Wary | ||
awtowa značka | K | ||
websydło | kr-karlovarsky.cz | ||
Karlovarský kraj mjezuje ze Sakskej na sewjeru, z Wusčanskim krajom na wuchodźe, z Plzeńskim na juhu a z Bayerskej na zapadźe. Wobsteji ze 132 gmejnow w třoch wokrjesach a je po přestrjeni druhi najmjeńši kraj w Čěskej po Libereckim. Najwažniša rěka w Karlovarskim kraju je Wohra (Ohře), kotraž ćeče ze zapada do wuchoda na směr Łobja. Sewjernu hranicu z Němskej tworja Rudohory, na zapadnej mjezy z Bayerskej leža Šmrěčiny.
W Karlovarskim kraju nadeńdźe so tak mjenowany „třiróžk kupjelow“, kiž wobsteji z Karlowych War, Mariánské Lázně a Františkovy Lázně. Dalšej wuznamnej měsće stej Cheb a Sokolov.