Humboldtowa uniwersita w Berlinje (skrótka HU Berlin, němsce Humboldt-Universität zu Berlin, 1828–1945: Friedrich-Wilhelm-Universität) bu 1809 wot pruskeho krala Bjedricha Wylema III. jako uniwersita w Berlinje załožena a zahaji w lěće 1810 wučbu. Najwjetša a najstarša wysoka šula w němskej stolicy je wot 1949 po wučencomaj Wilhelmje a Alexanderje von Humboldće pomjenowana. Wona ma swoje hłowne sydło w palaisu princa Heinricha na dróze Pod lipami w měšćanskim dźělu Mitte.
![Thumb](http://upload.wikimedia.org/wikipedia/commons/thumb/9/90/Frontansicht_des_Hauptgeb%C3%A4udes_der_Humboldt-Universit%C3%A4t_in_Berlin.jpg/640px-Frontansicht_des_Hauptgeb%C3%A4udes_der_Humboldt-Universit%C3%A4t_in_Berlin.jpg)
![Thumb](http://upload.wikimedia.org/wikipedia/commons/thumb/c/ce/Huberlin-logo.svg/320px-Huberlin-logo.svg.png)
HU Berlin słuša k 20 najwjetšim wysokim šulam w Němskej a najsławnišim uniwersitam po wšěm swěće. 2019 bu we wobłuku strategije ekscelency jako zarjadnišćo Berlinskeje University Alliance (hromadźe z FU Berlin, TU a Charité) Zwjazka a krajow do druheje spěchowanskeje linije přiwzata, po tym zo bě hižo 2012 za ekscelentnu uniwersitu pomjenowana.
Hač do lěta 2020 buchu cyłkownje 56 nošerjow Nobeloweho myta z Humboldtowej uniwersitu asociěrowani. Mjez nimi su absolwenća uniwersity kaž tež dołholětni akademiscy čłonojo fakultow abo z HU zwjazanych slědźenskich organizacijow.
W lěće 2018 měješe Humboldtowa uniwersita wjace hač 43.000 studentow a nimale 4.000 sobudźěłaćerjow, mjez nimi 461 profesorow.
K serbskim studentam a doktorandam Humboldtoweje uniwersity słušachu mjez druhim Alfred Krawc, Jan Rawp, Hinc Šewc, Měrćin Kasper, Detlef Kobjela a Dietrich Šołta. Frido Mětšk tu habilitowaše a Pawoł Nedo bě wot 1964 tuhdyši profesor za ludowědu.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.