Essen
wulkoměsto w Němskej / From Wikipedia, the free encyclopedia
Essen je wulkoměsto na zapadźe Němskeje. Leži při rěce Ruhr w srjedźišću Ruhrskeho kraja w Sewjerorynsko-Westfalskej a je z wjace hač 580.000 wobydlerjemi po Kölnje, Düsseldorfje a Dortmundźe štwórte najwjetše město zwjazkoweho kraja a dźesate najwjetše cyłeje Němskeje.
Wopon | ||
---|---|---|
| ||
Zakładne daty | ||
stat | Němska | |
zwjazkowy kraj | Sewjerorynsko-Westfalska Sewjerorynsko-Westfalska | |
wokrjes | bjezwokrjesne | |
wysokosć | 116 metrow n.m.hł. | |
přestrjeń | 210,34 km² | |
wobydlerstwo | 579.432 (31. dec 2021)[1] | |
hustosć zasydlenja | 2755 wob. na km² | |
póstowe čisła | 45127–45359 | |
předwólby | (+49) 0201, 02054 | |
awtowa značka | E | |
Politika a zarjadnistwo | ||
wyši měšćanosta | Thomas Kufen (CDU) | |
adresa | Porscheplatz 1 45121 Essen | |
webstrona | essen.de | |
Połoženje w Sewjerorynsko-Westfalskej | ||
wikidata: Essen (Q2066) |
Jako wuznamne industrijne stejišćo je Essen sydło wjacorych wulkich předewzaćow a z uniwersitu Duisburg-Essen tež wysokošulske stejišćo. W lěće 1958 bu sydło nowozałoženeho Essenskeho biskopstwa.
Město wuwiwaše so wokoło 845 załoženeho žónskeho wustawa, bě wot 14. lětstotka swobodne mócnarstwowe město a bu w druhej połojcy 19. lětstotka wažny industrijny centrum Ruhrskeho kraja. W lěće 2010 bě – cyły Ruhrski kraj reprezentujo – kulturna stolica Europy. Něhdyša cecha „Zollverein“ słuša jako symbol města a industrijnych stawiznow Ruhrskeho kraja k swětowemu herbstwu UNESCO. Po dołhej strukturowej změnje je Essen dźensa hłownje wot posłužboweho sektora žiwy.