zwjazkowy stat Zjednoćenych statow Ameriki From Wikipedia, the free encyclopedia
Colorado (jendźelsce [ˌkɑləˈɹɑːdoʊ̯] abo
[ˌkɑləˈɹæɾoʊ̯] ) je US-ameriski zwjazkowy stat, kotryž leži na srjedźnym zapadźe kraja. Ma něhdźe pjeć milionow wobydlerjow na přestrjeni wot 269.000 km². Stolica a najwjetše město je Denver, w kotrehož wokolinje je połojca wobydlerstwa žiwa. Dalšej wuznamnej měsće stej Colorado Springs (416.000 wobydlerjow) a Fort Collins (144.000). Swoje mjeno dósta w lěće 1876 załoženy stat wot rěki Colorado River.
![]() |
![]() |
hesło: Nil sine numine | |
přimjeno: Centennial State | |
Zakładne daty | |
---|---|
stolica | Denver |
přestrjeń | 269.601 km² |
wobydlerstwo | 5.456.574 (1. jul 2015)[1] |
hustosć | 20 wob. na km² |
časowe pasmo | UTC–7 (MST) |
Politika | |
guwerner | John Hickenlooper (Dem.) |
přistup do unije | 1. awgusta 1876 |
![]() | |
![]() | |
Přehladna karta zwjazkoweho stata | |
Stat mjezuje z Wyomingom na sewjeru, Nebrasku na sewjerowuchodźe, z Kansasom na wuchodźe, Oklahomu na samym juhowuchodźe, z New Mexico na juhu a z Utah na zapadźe. Leži w Rocky Mountains a je z přerěznej wysokosću wot 2073 metrow najwyše ležacy zwjazkowy stat. Najwyši dypk je Mount Elbert (4402 m).
Colorado přiwza so dnja 1. awgusta 1876 – sto lět po njewotwisnosći Zjednoćenych statow – jako 38. stat do unije a ma tohodla přimjeno „Centennial state“ („Lětstotkowy stat“).
W lěće 2000 měješe 85 % wobydlerstwa jendźelšćinu za maćeršćinu, druha najwažniša rěč bě španišćina.