Chwačanska cyrkej
cyrkej: bazilika z pózdnjeho 19. lětstotka, kapałka z krótkowalmowej třěchu, wojerski pomnik ze zornowca / From Wikipedia, the free encyclopedia
Chwačanska cyrkej (Cyrkej K dobremu pastyrjej) je ewangelsko-lutherska cyrkej w Chwaćicach w Budyskim wokrjesu. Wona słuži ewangelskej wosadźe Chwaćicy w cyrkwinskim wobwodźe Budyšin-Kamjenc ewangelskeje krajneje cyrkwje w Sakskej a słuša k najmłódšim wosadnym cyrkwjam Budyskeho kraja. Wot jeje załoženja hač do 1930tych lět je so tu tež serbsce prědowało. Wot lěta 2022 słuša Chwačanska wosada zhromadnje z Njeswačidłom, Minakałom, Rakecami a Klukšom k wulkowosadźe Hornjołužiska hola a haty.
Chwačanski kěrchow nadeńdźe so blisko cyrkwje na jeje zapadnym boku. Tu steji tež wojerski pomnik za padnjenych Prěnjeje swětoweje wójny z lěta 1924 ze serbskim napisom při delnim dźělu.
Ewangelska cyrkej w Chwaćicach steji jako kulturny pomnik pod škitom.