Rakečanska cyrkej
cyłkowny pomnik / From Wikipedia, the free encyclopedia
Rakečanska cyrkej je ewangelski cyrkwinski twar w hornjołužiskich Rakecach.
Cyrkej steji wosrjedź wsy mjez torhošćom a młynskej hrjebju na zapadźe a Hłownej dróhu (B96) na wuchodźe. Wokoło cyrkwje nadeńdźe so stary Rakečanski kěrchow z wjacorymi serbskimi narownymi kamjenjemi a pomnikom za woporow Druheje swětoweje wójny. Nowy kěrchow leži we wuchodnej połojcy wsy. Fara steji zady młynskeje hrjebje do směra na torhošću.
Hač do wotchada fararja Lazarja do Wojerec w lěće 1989 skutkowachu w Rakečanskej wosadźe stajnje serbskorěčni duchowni.
Wot lěta 2022 słuša Rakečanska wosada zhromadnje z Njeswačidłom, Minakałom, Chwaćicami a Klukšom k wulkowosadźe Hornjołužiska hola a haty.