Bělecy
wjes w Zhorjelskim wokrjesu, gmejnski dźěl Lubija From Wikipedia, the free encyclopedia
Bělecy[2] (němsce Bellwitz) su hornjołužiska wjeska, kotraž słuša wot lěta 2003 k Lubijej.
| |||||
| město: | Lubij | ||||
| zagmejnowanje: | 1970 (do Korec-Bělec) | ||||
| wobydlerstwo: | 134 (31. decembra 2023)[1] | ||||
| wysokosć: | 225-250 metrow n.m.hł. | ||||
51.127514.701111111111225-250 | |||||
| póstowe čisło: | 02708 | ||||
| předwólba: | 03585 | ||||
| wotwodźene słowa: |
| ||||
 Bělečanski hród | |||||
wikidata: Bělecy (Q161020) | |||||
Wjeska leži w hornjołužiskich honach, 4,5 kilometry sewjerowuchodnje stareho města a mjez 225 a 250 m nad mórskej hładźinu njedaloko Lubaty, kotraž je tule hłuboku skału tworiła. Susodne wsy su Małe Radměrcy na sewjerowuchodźe, Róžany na wuchodźe, Korecy na juhu, wosadna wjes Ketlicy zady skały na tamnym brjoze rěki a Wopaleń na sewjerozapadźe.
Sewjerozapadnje wsy, na lěwym brjoze Lubaty, nadeńdźe so stare hrodźišćo, kotrež so tež wot serbskich Milčanow wužiwaše. Jenož někotre sta metrow dale na juhu, na kromje Korec, steji dalše mjeńše hrodźišćo. Prěnje naspomnjenje wsy sameje jako Belenwitz pochadźa pak hakle z lěta 1312.[3] Wjes bě wot 14. hač do 19. lětstotka we wobsydstwje tamnišeho ryćerkubła.
Po statistice Arnošta Muki mějachu Bělecy w lěće 1884 159 wobydlerjow, mjez nimi 140 Němcow a 19 Serbow (12 %), kiž rěčachu Lubijsku narěč.[4] Dźensa so we wsy hižo njeserbuje. Ewangelscy Bělečenjo přisłušeja wot 16. lětstotka Ketličanskej wosadźe.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
