Bórk (Budyšin)

Bórk (němsce Burk) je sydlišćo w Hornjej Łužicy w Sakskej a wot lěta 1973^[2] měšćanski dźěl Budyšina z 517 wobydlerjemi.

Bórk
Burk

Połoženje Bórka na karće Hornjeje Łužicy DEC
město:	Budyšin
zagmejnowanje:	1973
wobydlerstwo:	517 (31. decembra 2023)[1]
wysokosć:	182 metrow n.m.hł.
51.20083333333314.461388888889182
póstowe čisło:	02625
předwólba:	03591
wotwodźene słowa:	wobydler/ka: Bórkowčan/-ka adjektiw: Bórkowski skłonowanje: Bórka, Bórkej, Bórk, Bórkom, w Bórku
Połoženje Bórka w Budyšinje Połoženje Bórka w Budyšinje
wikidata: Bórk (Q160834)

Geografija

Bórk leži na sewjerowuchodnej kromje wulkeho wokrjesneho města, mjez zwjazkowej dróhu 156 na wuchodźe a Budyskej rěčnej zawěru na zapadźe. Zwjazkowa awtodróha 4 běži južnje wot Bórka. Do měšćanskeho dźěla słuša tež cyły spjaty jězor z ležownosćemi něhdyšeju wjeskow Małsecy a Hněwsecy.

Ležownostne mjena

Michał Rostok naliči 1887 slědowace serbske ležownostne mjena w Bórku: Hrabowka, Dźěłošća, Bělawa, Ćělc (skała), Pannberg.^[3]

Stawizny

Prěnje historiske naspomnjenje Bórka je z lěta 1225 (Ditmarus miles de Borc, dominicale suum Borc).^[2] Mjeno pochadźa wot stareho słowjanskeho słowa bór za chójnu.

Wobydlerjo

Po Mukowej statistice z lětow 1884/85 rěčachu tehdy 119 wot cyłkownje 138 Bórkowčanow serbsce (86 %).^[4] Arnošt Černik zwěsći w lěće 1956 serbskorěčny podźěl wobydlerstwa wot hišće 28,9 %.^[5]

Kubłanje

Hač do lěta 1975 mějachu w Bórku swójsku šulu. Wot toho časa chodźa Bórkowske dźěći do Budyšina.

Hlej tež: Kulturne pomniki w Bórku

Wosobiny

• Michał Hilbjenc (1758–1816) – farar, składnostny basnik

Literatura

• Burk/Bórk mit Oehna/Wownjow. W: Oberlausitzer Heide- und Teichlandschaft (= Werte der deutschen Heimat. Zwjazk 67). 1. nakład. Böhlau, Köln/Weimar/Wien 2005, ISBN 978-3-412-08903-0, str. 266–269.

Žórła

1. staw: 31. decembra 2023; Statistiska rozprawa města Budyšina za IV. kwartal 2023, awgust 2024
2. Bórk w Digitalnym stawizniskim zapisu městnow Sakskeje (němsce)
3. Michał Rostok: Ležownostne mjena. W: ČMS 40 (1887), str. 3–50, tu str. 28 (digitalizat).
4. Ernst Tschernik: Die Entwicklung der sorbischen Bevölkerung. Akademie-Verlag, Berlin 1954. → wšě wjeski
5. Ludwig Elle: Sprachenpolitik in der Lausitz. Ludowe nakładnistwo Domowina, Budyšin 1995, str. 244. [736 wobydlerjow, z nich 147 dorosćenych z aktiwnymi znajomosćemi serbšćiny, 15 z pasiwnymi, 51 serbskich dźěći a młodostnych, 523 bjez znajomosćow] → wšě wjeski

Wotkaz

 Commons: Bórk – Zběrka wobrazow, widejow a awdiodatajow

Měšćanske dźěle Budyšina

Błohašecy | Bobolcy | Bolborcy | Bórk | Bozankecy | Ćichońca | Ćemjercy | Debrikecy | Delni Wunjow | Delnja Kina | Horni Wunjow | Hornja Kina | Južne předměsto | Lešawa | Lubochow | Mały Wjelkow | Nadźanecy | Nowe Małsecy | Nutřkowne město | Sćijecy | Sewjerowuchodny wobkruh | Słona Boršć | Smochćicy | Strowotna studnja | Wownjow | Wuchodne předměsto | Wulki Wjelkow | Wuricy | Zajdow | Zapadne předměsto (ze Židowom)