Augsburg
město w Bayerskej / From Wikipedia, the free encyclopedia
Augsburg je wulkoměsto na juhu Němskeje. Je z nimale 300.000 wobydlerjemi po Mnichowje a Nürnbergu třeće najwjetše město Bayerskeje a steji zdobom na 23. městnje najwjetšich městow Němskeje.
| ||
Wopon | ||
---|---|---|
| ||
Zakładne daty | ||
stat | Němska | |
zwjazkowy kraj | Bayerska Bayerska | |
wokrjes | bjezwokrjesne | |
wysokosć | 494 metrow n.m.hł. | |
přestrjeń | 146,93 km² | |
wobydlerstwo | 296.478 (31. dec 2021)[1] | |
hustosć zasydlenja | 2018 wob. na km² | |
póstowe čisła | 86150–86199 | |
předwólba | (+49) 0821 | |
awtowa značka | A | |
Politika a zarjadnistwo | ||
wyši měšćanosta | Kurt Gribl (CSU) | |
adresa | Rathausplatz 1 86150 Augsburg | |
webstrona | augsburg.de | |
wikidata: Augsburg (Q2749) |
Uniwersitne město leži něhdźe 70 km sewjerozapadnje krajneje stolicy Mnichowa při rěkach Lech, Wertach a Singold a je sydło knježerstwoweho wobwoda Šwabska. Wone je so w lěće 15 do Chr. jako romske wojerske lěhwo Augusta Vindelicorum załožiło a po romskim kejžorje Augustusu pomjenowało a słuša tuž k najstaršim městam Němskeje. Bě prawdźepodobnje hižo w 5. lětstotku sydło biskopa. W 13. lětstotku sta so ze swobodnym mócnarstwowym městom a steješe pod mócnym knježerstwom bohatych překupcowych swójbow.
Augsburg je jeničke němske město ze swójskim statnym swjatkom, Augsburgskim měrowym swjedźenjom, kotryž so přeco 8. awgusta swjeći.