![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/9/94/Andrej_Plenkovi%25C4%2587_2015_%2528cropped%2529.jpg/640px-Andrej_Plenkovi%25C4%2587_2015_%2528cropped%2529.jpg&w=640&q=50)
Andrej Plenković
From Wikipedia, the free encyclopedia
Andrej Plenković (* 8. apryla 1970 w Zagrebje) je chorwatski politikar a něhdyši diplomat. Wón je předsyda konserwatiwneje strony HDZ a wot 19. oktobra 2016 z ministerskim prezidentom republiki Chorwatskeje.
![Thumb image](http://upload.wikimedia.org/wikipedia/commons/thumb/9/94/Andrej_Plenkovi%C4%87_2015_%28cropped%29.jpg/640px-Andrej_Plenkovi%C4%87_2015_%28cropped%29.jpg)
Plenković studowaše prawnistwo na Zagrebskej uniwersiće. W běhu swojeje diplomatskeje karjery bě mjez druhim nawoda wotrjada za europsku integraciju a zastupowacy wulkopósłanc Chorwatskeje we Francoskej. Wot 2010 bě statny sekretar za europsku integraciju a jako tajki jedyn z hłownych zamołwitych za přistupne jednanja Chorwatskeje z Europskej uniju. Wot decembra 2011 bě zapósłanc w chorwatskim parlamenće a w lěće 2013 načolny kandidat HDZ za europski parlament.
Wot 17. julija 2016 je jako naslědnik Tomislava Karamarka předsyda HDZ a wot 19. oktobra nawjeduje knježerstwowu koaliciju z HDZ a strony MOST.
Nimo chorwatšćiny wobknježi Plenković jendźelšćinu, francošćinu, italšćinu a rěči tež trochu němsce.