From Wikipedia, the free encyclopedia
Afriski wopiči chlěbowc (Adansonia digitata) je štom z podswójby Bombacoideae znutřka swójby šlězowych rostlinow (Malvaceae). Rostlina je charakteristiska za afrisku sawanu.
 | |
| Afriski wopiči chlěbowc (Adansonia digitata) | |
| systematika | |
|---|---|
| Domena | Eukaryoty |
| Swět | Rostlinstwo |
| rjad: | (Malvales) |
| swójba: | Šlězowe rostliny (Malvaceae) |
| podswójba: | Bombacoideae |
| ród: | Wopiči chlěbowc[1][2] (Adansonia) |
| sekcija: | Adansonia |
| družina: | Afriski wopiči chlěbowc |
| wědomostne mjeno | |
| Adansonia digitata | |
| L. | |
Afriski wopiči chlěbowc je štom. Zdónki su relatiwnje krótke a móžeja jara tołste - tuž hač do 10 m - być a so hižo blisko zemje rozhałuzuja. Wone móžeja wysokosć wot 25 m abo wjace docpěć a přeměr wot hač do 12 m. Forma króny jara wariěruje.
Jeho drjewo je njekrute.
Łopjena su wulke. Wone so jedyn raz w lěće krótko před dešćowym časom zazelenja, so w štyri tydźenjach wuwiwaja, ale so po dešćowym času wotmjetaja. Za čas 9 měsacow štom móže nahi być.
Forma łopjenow jara wariěruje. Při sadźenkach a młodych rostlinach, ale tež při prěnim zazelenju starych štomow maja jednore formy. Pozdźišo so dwójne abo trójne łopjena jewja. Ale wone skoro wotpadnu. Normalne łopjena su błyšćace zelene, wobsteja z pjeć hač sydom (maksimalnje dźewjeć) pjerjow a móžeja přeměr wot hač do 20 cm docpěć. Wone su měnjate a steja najčasćišo na kónčkach wubitkow.
Jich stołpik je na spočatku husto kosmaty, ale so pozdźišo wobnažuje. Wón móže dołhosć wot hač do 16 cm docpěć.
Pjerkate łopješka su sedźace abo krótko stołpikate a docpěja dołhosć wot 5 hač do 15 cm a šěrokosć wot 1,5 hač do 7 cm. Wone maja 12 hač 18 pódlanskich žiłkowych porow a su cyłokromne.
Kćěje w dešćowym času. Wulke kćenja su běłe a so jenož za 24 hodźiny pukaja. Wone so wot njetopyrjow wopróšuja.
Płody su kórkojte a docpěja dołhosć wot něhdźe 50 cm. Jich skorpawa je drjewjana. Płodowe žro je suche a jědźne. Jich płodowe mjaso je słódkojte a so wot wjele družinow zwěrjatow česći. Symjenja wobsahuja wolij.
Rosće w suchich, połpušćinojtych regionach. Wustupje předewšěm na kromje Sahary, ale tež w južnej Africe. Najčasćišo je rozšěrjeny we wysokosćach wot 450 hač 600 m. Družina faluje w regionach centralnoafriskeho dešćoweho lěsa.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
