![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/1/14/Australian_Capital_Territory_in_Australia_%2528zoom%2529.svg/langhak-640px-Australian_Capital_Territory_in_Australia_%2528zoom%2529.svg.png&w=640&q=50)
Au-chû Sú-tû Liâng-thi
From Wikipedia, the free encyclopedia
Au-chû Sú-tû Liâng-thi (Yîn-ngî: Australian Capital Territory, ACT) he Au-chû chṳn-fú só-chhai-thi, he Au-chû hot-khî chui-séu than ngìn-khiéu chui tshiû-me̍t ke chû chhèn-kip Hàng-chṳn-khî. Kì chhiòn-kin vi-yî New South Wales chû kin-nui, mien-chit vì 2,358 phìn-fông kûng-lî. Au-chû Sú-tû Liâng-thi ke Sú-fú, yi̍t he Au-chû Lièn-pâng ke sú-tû, he vi-chhai Liâng-thi pet-phu ke Canberra.
![Thumb image](http://upload.wikimedia.org/wikipedia/commons/thumb/1/14/Australian_Capital_Territory_in_Australia_%28zoom%29.svg/640px-Australian_Capital_Territory_in_Australia_%28zoom%29.svg.png)
![Thumb image](http://upload.wikimedia.org/wikipedia/commons/thumb/8/8c/Flag_of_the_Australian_Capital_Territory.svg/640px-Flag_of_the_Australian_Capital_Territory.svg.png)
![Thumb image](http://upload.wikimedia.org/wikipedia/commons/thumb/1/1b/Canberra_SPOT_1088.jpg/640px-Canberra_SPOT_1088.jpg)
19 Sṳ-ki vân-khì, chhai Au-chû ke kok Yîn-su̍k Chhṳ̍t-mìn-thi thàm-phan chû-sṳ̀n Lièn-pâng sṳ̀, chhiu Lièn-pâng sú-tû ke sién-tsí chhai lióng-ke chui-thai sàng-sṳ Sydney lâu Melbourne chṳ̂-kiên siông-chhṳ̀ put-hâ, yîn-chhṳ́ chui-chûng chhai 1901-ngièn sṳ̂-hàng ke Au-chû Lièn-pâng Hièn-fap chûng kûi-thin sîn sú-tû pit-sî vi-yî New South Wales kin-nui than pit-sî khî-lì Sydney 100 Yîn-lî -- liá-ngióng pó-chṳn sîn sú-tû lì Sydney lâu Melbourne tû pó-chhṳ̀ siông-tông khî-lì. Kîn-ko lui-chhṳ thó-lun, chui-chûng Lièn-pâng chṳn-fú sién-thin chhai Sîn-nàm Vî-ngì-sṳ̂ chû tûng-nàm-phu, thai-fûn súi-liâng lâu Siet-sân yì-mak fàn-phàu chṳ̂-chhú kien-tû, chhiu-he heu-lòi ke Canberra. Vì-liáu khok-pó Lièn-pâng chṳn-fú yúng-yû nèn-kèu Chhṳ-yù kî-phi ke chiuk-kèu thai-ke thi-khî, 1911-ngièn New South Wales kîn-kí Hièn-fap chiông sîn sú-tû khi̍p khì chú-yeu hò-liù liù-vet ke yit phu-fûn va̍k-chhut sông kâu-pûn Lièn-pâng chṳn-fú, sṳ̀n-vì Lièn-pâng chhṳ̍t-hot ke Liâng-thi. 1913-ngièn khôi-sṳ́ kien-sàng.