From Wikipedia, the free encyclopedia
Melbourne (Yîn-ngî: Melbourne) he vi-yî Au-chû tûng-ngan Victoria nàm-phu ke yit-chho sàng-sṳ. Melbourne he Victoria sú-fú lâu chui-thai sàng-sṳ, he Au-chû ngìn-khiéu phài-miàng ke thi-ngi thai sàng-sṳ. Thai Melbourne thi-khî mien-chit tha̍t-tó 8,806 phìn-fông kûng-lî, he chhiòn-khiù chui kóng-thai ke tû-fi-khî chṳ̂-yit. Melbourne tûng-ông sông-ngia̍p-khî he cháng-ke thai tû-fi-khî ke chûng-sîm, kîn-ko 1993-ngièn ke hàng-chṳn kói-chṳ heu, hien-chhai tûng-ông sông-ngia̍p-khî ngìn-khiéu yok 20,000. Tûng-ông sông-ngia̍p-khî vi-chhú kóng-vân ke pet-tôn, he Yarra-hò hò-khiéu-vân. Sṳ-mìn thai-tô-sṳ kî-chhu chhai tûng-ông sông-ngia̍p-khî chû-piên, thai tû-fi-khî 2012-ngièn khiung-yû 425-van ngìn. Tû-fi-khî yù Melbourne khi̍p 31-ke thi-fông chṳn-fú khî-vet chû-sṳ̀n. Melbourne pûn yì vi "Au-chû ke vùn-fa sú-tû", thùng-sṳ̀ he chhiòn-koet ke vùn-fa, sông-ngia̍p, kau-yuk, ngu-lo̍k, thí-yuk khi̍p lî-hàng chûng-sîm. Melbourne chhai fu̍k-chông, ngi-su̍t, yîm-ngo̍k, thien-sṳ chṳ-chok, thien-yáng khi̍p vú-tho liâng-vet yîn-liâng Au-chû. Melbourne chên-kîn kí-phan ko 1956-ngièn ha-kui Olympic Yun-thung-fi lâu 2006-ngièn Yîn Lièn-pâng Yun-thung-fi. 2008-ngièn Melbourne tet-tó Yîn-koet Loughborough Thai-ho̍k ke Chhiòn-khiù-fa lâu Sṳ-kie-kip Sàng-sṳ Ngiên-kiu Séu-chû lâu Mióng-lok phìn-ka vi Thi-yit-kip Sṳ-kie Tû-sṳ.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.