Çhengaghyn Baltagh
From Wikipedia, the free encyclopedia
She fo-chrouw ny çhengaghyn Baltagh-Slavagh jeh'n chynney çhengey Ind-Oarpagh ad ny çhengaghyn Baltagh. Ta ny çhengaghyn Baltagh goll er loayrt ayns ardjyn ta sheeyney veih shiar yiass y Vooir Valtagh my hwoaie rish y choose hiar j'ee 'syn Oarpey Hwoaie. Dy mennick ta'n possan shoh goll er rheynn magh ayns daa 'o-phossanyn: Çhengaghyn Baltagh y Neear nagh vel goaill stiagh agh çhengaghyn marroo, as Çhengaghyn Baltagh y Niar ta goaill stiagh çhengaghyn marroo as y daa hengey vio 'sy phossan: Litaanish (goaill stiagh y Litaanish Chadjinit as Samogitish) as Latvish (goaill stiagh y Latvish lettyragh as Latgalish). Ga dy vel mooinjerys eddyr ny çhengaghyn Baltagh, ta tasht focklyn ny çhengaghyn anchasley rish nyn geilley cho mooar as nagh vel ad so-hoiggalagh rish nyn geilley.
Baltagh | |
---|---|
Rheam: | Yn Oarpey Hwoaie |
Rang-oardraghey: | Ind-Oarpagh · Baltagh-Slavagh · Baltagh |
Fo-rheynnyn: |
Çhengaghyn Baltagh y Niar
Çhengaghyn Baltagh y Neear
|
ISO 639-2: | bat |