She yn Cochaarjys Essylagh (Germaanish: Achsenmächte, Shapaanish: 枢軸国 Sūjikukoku, Iddaalish: Potenze dell'Asse), ny ny Forsaghyn Essylagh ny yn Essyl, yn ennym va currit er ny çheeraghyn ren troiddey car y Nah Chaggey Dowanagh noi ny Forsaghyn Cochaarjagh. Ren yn Essyl cur y cochaarjys er oaie myr cooid jeh obbraghey bun-chaghlaaee as y dean oc na kioneys ny pooaryn plutacraatagh capitlagh jeh'n Theihll Heear y vrishey as shassoo noi'n chummynys.
Dirree yn Essyl magh ass Conaant Noi-Comintern, conaant noi'n chummynys va fo-screeuit ec y Ghermaan as y Çhapaan 'sy vlein 1936. Ren yn Iddaal fo-screeu yn Conaant 'sy vlein 1937. Haink er "Essyl y Raue–Verleen" dy ve ny cochaarjys caggee 'sy vlein 1939 fo'n Chonaant Staillin. Ren y Conaant Tree-pharteeagh (1940) cur lesh ym-lanaghey deanyn caggee yn Ghermaan rish e cochaarjyn.
Ec e vullagh car y Chaggey, va'n Essyl reilley thallooyn lheeadagh 'syn Oarpey, 'syn Affrick as 'syn Aishey. Haink jerrey lesh y chaggey 'sy vlein 1945 as va'n cochaarjys stroiet. Gollrish ny Forsaghyn Cochaarjagh, cha row olteynys 'syn Essyl shickyr, as çheeraghyn ennagh troiddey nish as reesht.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
