Plasmey killag

She rheynn jeh killag eh plasmey killag, as far-chrackan killag mygeayrt echey. Ta mynoltyn ayns plasmey killag chillagyn eukaryotagh, as far-chrackanyn rheynn y plasmey ayndaue veih'n phlasmey elley. Ta'n chooid smoo jeh obbraghyn killag taghyrt ayns y phlasmey killag.

Y plasmey killag nagh vel ayns mynoltyn, t'ad cur cytosol er. She mestey jeh snaieyn ushylagh killag, co-vreneenyn lheieit as ushtey t'ayn. Ta rheynn mooar jeh'n chillag lane dy chytosol.

Co-oltyn

Ta tree co-oltyn mooarey ec plasmey killag: cytosol, mynoltyn as goaillyn stiagh.

Cytosol

Proteenyn ayns rheynnyn killag as troggalyn, as proteen stroo-hoilshagh glass oc.

Y cytosol, shen y rheynn jeh'n chillag nagh vel stiagh mynolt far-chrackanagh. She fliughid trooid-hoilshagh t'ayn, as co-oltyn elley y phlasmey killag aynjee. Ta cytosol jannoo magh mysh 70% jeh'n chillag, as t'ee jeant jeh ushtey, sollanyn as co-vreneenyn orgaanagh^[1]. Ta snaieyn proteenagh yn ushylagh killag aynjee, chammah's proteenyn lheieagh, as troggalyn mooar, myr ribbosoomyn^[2].

Mynoltyn

She rheynn far-chrackanagh ayns y chillag eh mynolt, as eshyn currit da obbyraghyn er lheh. Mynoltyn mooarey y chytosol, t'ad goaill stiagh mitochondria, moggyl endoplasmagh, y farrys Golgi, leesosoomyn, as chloroplastyn.

Goaillyn stiagh

Goaillyn stiagh, t'ad nyn mreneenyn beggey dy stoo neulheieagh ta croghey ayns y chytosol. Foddee ymmodee reddyn ve nyn ngoaillyn stiagh: kelkium ocsaleit ny shillagon daa-osseed ayns killagyn lossreeyn^[3][4], grineenyn dy stoo tashtey-bree myr stark^[5] glycogen,^[6] ny polyhydrocsybutyrate.^[7] Ta bineenyn dy lipaidyn as proteen feer chadjin; ta prokaryota as eukaryota tashtey lipaidyn (myr sampleyr, geayr sahllagh ny sterol) ayns yn aght shen^[8]. Ta bineenyn lipaid jannoo magh chooid mooar dy adipocyteyn, agh t'ad ry-akin ayns ymmodee killagyn elley myrgeddin.