From Wikipedia, the free encyclopedia
Ayns coryssyn credjue un-jeeagh, ta sleih jeeaghyn er Jee myr yn ard-vioys, y crootagh, as yn ard-red jeh'n chredjue.[1] Ayns coryssyn yl-jeeagh, ta jee çheet er "spyrryd ny bioys chroo, ny ta stiurey ayrn jeh'n tuinney ny jeh'n vea, as sleih gooashlaghey eh ny ee er son y chrooaght ny stiurey shen".[2][3] Ta shin gra jeeaghys tra ta shin çheet er credjue beays jee erbee.[4][5]
Ta smooinaghtyn Yee anchasley dy mooar. Ta ram jeeaghteyryn as fallsoonee er ny lhiassaghey arganeyssyn er son as noi beays Yee.[6] Ta'n anjeeys jiooldaghey credjue ayns jeeaght erbee. Ta meechraueeaght çheet er neuhushtey beays Yee. Ta jeeaghteyryn ennagh smooinaghtyn dy re ass credjue ta dagh fys bentyn rish Jee. Ta Jee coontit dy mennich myr yn unnid share t'ayn.[1] T'eh er credjal dy nee Jee cooish lesh dagh red as, myr shen, t'eh coontit myr y crootagh, yn ymmyrkagh, as reireyder yn tuinney. Ya Jee coontit dy mennick myr bioys neuheihlltagh as seyr veih'n chrooaght heihlltagh,[1][7][8] choud's ta'n ooilley-jeeaghys smooinaghtyn dy nee yn tuinney hene Jee. Keayrtyn, ta sleih jeeaghyn er Jee myr bioys ooilley-ghiastyllagh, choud's ta'n jeeys gra nagh vel Jee goaill ayrn 'sy veays sheelnaue faagail magh y chrooaght hene.
Ta tradishoonyn ennagh cur scansh da freayltys mooinjerys eddyr y chredjuagh as Jee, goaill stiagh reddyn lheid as ooashlaghey as padjer, as t'ad jeeaghyn er Jee myr bun dagh currym moralagh.[1] Ta fir ennagh cur sheese er Jee gyn fockle bentyn rish e cheintys choud's ta fir elley gymmydey çhiarrymeeaght ta çheet er keintys Yee. Shymmey ennym t'ec Jee, croghey er çhengey as y tradishoon cultooragh, as enmyssyn ennagh ymmydit ta çheet er troyn eigsoylagh Yee.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
