Hayden Panettiere

She ben-aghteyr, craishteyder, as arraneyder Americaanagh ee Hayden Lesley Panettiere (ruggit er 21 Luanistyn 1989).^[3] Ta enney share urree son e paart myr Claire Bennet 'sy straih far-feniagh Heroes liorish NBC (2006–2010) as myr Juliette Barnes 'sy straih drama chiaullee Nashville (2012–2018) liorish ABC/CMT, raad chossyn ee daa enmyssaght son Aundyr Golden Globe son y Ven-aghteyr Share - Straih, Myn-straih ny Fillym Çhellveeish.^[4] Chammah's shen, t'ee cloie Kirby Reed 'sy straih fillym giarrey Scream liorish Wes Craven.

Hayden Panettiere
Panettiere ayns 2009
Ennym ruggyree	Hayden Lesley Panettiere[1]
Ruggit	21 Luanistyn 1989 (35 bleeaney d'eash) Palisades, York Noa, ny Steatyn Unnaneysit[2]
Seyraanaght	Steatyn Unnaneysit America
Çhengey	Baarle
Keird	aghteyr · arraneyder · aghteyr goo · aghteyr ardan · aghteyr fillym · aghteyr çhellveeish · craishteyder
Bleeantyn obbree	1993–jiu
Greieyn	goo
Lipaidyn	Hollywood Records
Ynsagh	Tappan Zee High School (en) Laurel Springs School (en)
Leggad	Milo Ventimiglia (en) Wladimir Klitschko (en) Scotty McKnight (en)
Braaraghyn as shuyraghyn	slane rolley Jansen Panettiere (mul)
Aundyryn	slane rolley Genesis Award  (2008) Saturn Award for Best Actress on Television  (2006) : Heroes (en) Saturn Award  (2007)
Kianglaghyn fysseree as sheshoil
IMDb	nm0659363
Discogs ID	314909
Models.com	hayden-panettiere
Instagram	haydenpanettiere
X	haydenpanettier
hayden-panettiere.com

Hie ee magh er y scaailan ayns 1990 tra nagh row ee agh 11 vee d'eash. Cha jagh ee magh er y scaailan reesht derrey 1994 tra chloie ee Sarah Roberts er y straih heabin One Life to Live liorish ABC voish y vlein shen derrey 1997. Hie ee er oaie cloie Lizzie Spaulding 'sy straih heabin Guiding Light liorish CBS voish 1996 derrey 2000. Ta Panettiere er ny chloie 'sy fillym drama bluckan coshey Remember the Titans (2000) liorish Disney, 'sy straih yerrinagh jeh'n straih drama aittys leighoil Ally McBeal (2002) liorish Fox, 'sy fillym drama aittys Raising Helen (2004), 'sy fillym çheer-ghraihagh Tiger Cruise (2004) liorish y Disney Channel, 'sy fillym aittys ratçhal cabbil Racing Stripes (2005), 'sy fillym drama skyrraghtyn figgyr Ice Princess (2005), 'sy fillym aittys romansagh I Love You, Beth Cooper (2009), 'sy fillym drama kimmeeys firrinagh Amanda Knox: Murder on Trial in Italy (2011), as 'sy fillym drama Custody (2016). Chur ee e goo rish ny karacteyryn Kairi as Xion 'sy straih ghamman Kingdom Hearts (2002–2017) as Samantha "Sam" Giddings 'sy ghamman-feeshan Until Dawn (2015).