From Wikipedia, the free encyclopedia
She lus eh blaa Boaldyn (lilee ny glionney, lilee y choan; dy oaylleeagh, Convallaria majalis). She oltey ynrican y ghenus Concallaria t'ayn, foddee. V'ad cliaghtey cur eh 'sy chynney Liliaceae ny kynney eh hene, Convallariaceae. T'eh dooghyssagh da'n lieh-chruinney Hwoaie 'syn Oarpey as yn Aishey, agh ta arganeys ayn my t'eh dooghyssagh da America Hiar Hwoaie raad ta pobble beg ayn (Convallaria majalis var. montana).[1][2]
| Blaa Boaldyn | ||||||||||||||
|---|---|---|---|---|---|---|---|---|---|---|---|---|---|---|
 Blaa Boaldyn
| ||||||||||||||
| Rang oaylleeagh | ||||||||||||||
| ||||||||||||||
| Ennym daa-ennymagh | ||||||||||||||
| Convallaria majalis L. | ||||||||||||||
| Co-cheayllee | ||||||||||||||
|
Lilee ny glionney |
She lus lussagh sheer-vio t'ayn. T'eh jannoo coloinyn mooarey liorish cur magh raisoamyn. Ta stholeyn noa çheet magh ass king stolonyn rish y tourey.[3] Rish yn arrey, t'adsyn gaase dys stholeyn duillagagh noa ta kianglt rish ny stholeyn elley fo'n thalloo. Ta gish wheesh as 30cm er yrjid oc, as duillag ny ghaa 10-25cm er lhiurid oc. Ta daa duillag ec gish blaaghey, as crouw-vlaaghey dy 5-15 blaaghyn. She tepal bane jeh cummey cluig eh y blaa, mysh 5-10mm er crantessen as soar millish oc. She berrish beg jiarg eh y mess echey. Ta beggan dy rassyn baney-dhoney ayn, as t'ad çhirmaghey dy trooid-hoilshagh. T'ad hene-hast, as my ta'n choloin jeant jeh un lus ynrican, cha nel ad cur magh rassyn.[4]
Ta traa arraghyssyn ayn, as ny keayrtyn ta lus-oayllee dyn eddyr-scarrey myr dooieyn ny fo-ghooieyn.[5] Rere shen, foddee nagh vel agh un dooie 'sy ghenus Convallaria, agh foddee dy vel ny smoo.
Ta kuse dy 'leih goaill rish Convallaria transcaucasica myr dooie. Va Convallaria japonica ayn, agh t'ad rang-oardraghey eh myr Ophiopogon japonicus nish.[6]
Ta dagh ayrn jeh'n lus feer nieunagh.[7][8] Ta mysh 38 sorçhyn dy chardenolideyn ayn, goaill stiagh:
Ta saponinyn ayn myrgeddin. Ga dy vel eh niaunagh, va ymmyd lheeys jeant jeh.[9]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
