Anne Craine

Ta Anne Valerie Craine BS (ruggit er 30 Averil 1954) ny politickeyr Manninagh as roie-OKF son Rhumsaa. Myrane lesh shen, t'ee ny Shirveishagh Ynsee as ny Caairliagh er Undinys Eiraght Vannin.^[1] Roish v'ee reiht da Tinvaal v'ee ny h-oltey jeh'n Voayrd Ynsee as Undinys Eiraght Vannin.^[2]

Anne Craine
Ruggit	30 Averil 1954 (70 bleeaney d'eash) Doolish
Seyraanaght	Reeriaght Unnaneysit
Çhengey	Baarle
Keird	politickeyr
Enmys	Oltey yn Chiare as Feed

Mannin

Ta'n art shoh ny chooid jeh'n straih: Politickaght as reiltys Vannin

Çhiarn Vannin: Çhalse III Lhiass-chiannoort: Sir Richard Gozney Fo-lhiass-chiannoort: Andrew Corlett Tinvaal Eaghtyrane Tinvaal: Steve Rodan Coonseil Slattyssagh Eaghtyrane: Steve Rodan Y Kiare as Feed Loayreyder: Juan Watterson Reiltys Coonseil ny Shirveishee Ard-hirveishagh: Alfred Cannan Shirveishagh Tashtee: Alex Allinson Shirveishagh son Polasee as Aa-chummey: Chris Thomas Shirveishagh LT: Laurence Skelly Shirveishagh Ynsee, Spoyrt as Cultoor: Julie Edge Shirveishagh ÇBE: Geoffrey Boot Shirveishagh Slaynt as Kiarail y Theay: David Ashford Shirveishagh Cooishyn Sthie: Graham Cregeen Shirveishagh Bun-troggalys: Ray Harmer Ard-screeudeyr: Will Greenhow Ny briwnyn Manninagh Y Chied Vriw: Andrew Corlett Y Nah Vriw: John Needham Briw: Alastair Montgomerie Briw yn Aachlashtyn: Geoffrey Tattersall Ard-Vaylee: Jayne Hughes Lhiass-Ard-Vaylee: Christopher Arrowsmith Y Turneyr Theayagh: John Quinn Rheynnyn-reihys y Chiare as Feed Gurneilys Ynnydagh Parteeyn politickagh Reihyssyn Oikee yn Steat Captanyn ny Skeeraghyn

Seihll

Va Anne Craine ruggit 'sy vlein 1954 as she inneen Charles Kerruish, eear-Eaghtyrane Tinvaal t'aynjee. Hie ee dys Bunscoill y Doon ayns Skyll Maghal, as lurg y vunscoill hie ee er yn ard-scoill ayns Scoill Grammar Rhumsaa. Daag ee yn ellan lurg y vunscoill as hie ee dys Lunnin dy yannoo studeyryssyn ayns St. Godric's Secretarial College.

T'ee poost rish David Peter Craine veih'n vlein 1978 as ta daa vac as un 'neen oc.^[2]

Seihll politickagh

Ren Anne Craine eab dy ve reiht son Rhumsaa ayns 2001 agh cha row ee raahoil ec y taghyrt shen. Ayns fo-reihys 'sy vlein 2003 chossyn ee soiag son Rhumsaa. Reesht 'syn ard-reihys 2006 chossyn ee yn reihys as ee ny chied ynnyd lesh 1969 voteyn, as hooar Allan Bell y nah hoiag 'sy valley lesh 1768 voteyn. V'ee reiht myr Shirveishagh Ynsee ayns 2006. Ayns Mee Vayrnt 2010, v'eh fogrit magh dy bee ee reiht myr Shirveishagh Tashtee, as ee çheet ny yei Allan Bell veih 1-d Averil.^[3] 'Syn ard-reihys ayns 2011 cha row ee reiht da'n Chiare as Feed.

Oikyn reiltysagh

• Oltey Rheynn Reiltys Ynnydagh as y Çhymmyltaght, 2003-2006;
• Oltey Rheynn Dellal as Jeadys, 2004-2005;
• Oltey Rheynn Slaynt as Shickyrys y Theay, 2005-2006;
• Shirveishagh Ynsee, 2006-2010
• Shirveishagh Tashtee, 2010-2011
• Caairliagh Undinys Eiraght Vannin, 2007-

Imraaghyn

1. "Structure" (ayns Baarle). Rheynn Ynsee. Er ny hashtey veih yn lhieggan bunneydagh er 2012-07-31. Feddynit magh er 30-03-2010. {{cite web}}: Check date values in: |accessdate= (cooney)CS1 maint: çhengey gyn enney (link)
2. "Members" (ayns Baarle). Undinys Eiraght Vannin. Feddynit magh er 30-03-2010. {{cite web}}: Check date values in: |accessdate= (cooney)CS1 maint: çhengey gyn enney (link)
3. Adrian Darbyshire (30 Mart 2010). "New government jobs - same old faces" (ayns Baarle). www.iomtoday.co.im. Er ny hashtey veih yn lhieggan bunneydagh er 2010-06-08. Feddynit magh er 30 Mart 2010. {{cite web}}: Check date values in: |accessdate= as |date= (cooney)CS1 maint: çhengey gyn enney (link)

Kianglaghyn mooie

• Beashnys Craine ec Tinvaal (Baarle)