aghteyr as stiureyder Goaldagh (1946–2016) From Wikipedia, the free encyclopedia
She aghteyr as stiureyder Sostynagh va Alan Sidney Patrick Rickman (21 Toshiaght Arree 1946 – 14 Jerrey Geuree 2016). Va enney mie er son e ghoo lhiastagh, dowin. Ren eh traenal ec Colleish Reeoil ny h-Ellynyn Dramadagh ayns Lunnin as haink er dy ve ny oltey jeh'n Royal Shakespeare Company (RSC), raad ren eh cloie ayns obbraghyn theateragh noa-emshiragh as classicagh. Ren eh cloie Vicomte de Valmont 'sy ghientyn ardan yn RSC jeh'n chloie Les Liaisons Dangereuses (1985), as erreish da arraghey yn ghientyn dys y West End ayns 1986 as Broadway ayns 1987, v'eh enmyssit son Aundyr Tony.
| Alan Rickman | |
|---|---|
.jpg) Rickman ayns 2011 | |
| Ennym ruggyree | Alan Sidney Patrick Rickman |
| Ruggit | 21 Toshiaght Arree 1946 Lunnin, Sostyn |
| Hooar baase | 14 Jerrey Geuree 2016 (69 bleeaney d'eash) Lunnin, Sostyn |
| Bun baaish | baase najooragh (kanghyr y fairaig villish) |
| Ynnyd beaghee | Hammersmith (en) |
| Seyraanaght | Reeriaght Unnaneysit |
| Çhengey | Baarle |
| Keird | aghteyr çhellveeish · aghteyr fillym · aghteyr goo · aghteyr karacteyr · stiureyder fillym · gienteyder fillym · kiaddeyder graafagh · aghteyr ardan · screeudeyr · aghteyr · scaa-screeudeyr · stiureyder theater · stiureyder |
| Bleeantyn obbree | 1974–2016 |
| Shaanrey | aittys Shakespeare |
| Ynsagh | Chelsea College of Art and Design (en) Royal College of Art (en) Latymer Upper School (en) Derwentwater Primary School (en) Colleish Reeoil ny h-Ellynyn Dramadagh (1972 – 1974) : aghteyrys |
| Sheshey | Rima Horton (en) (2012 – Jerrey Geuree 14, 2016) |
| Partee politickagh | Partee yn Lught Obbyr |
| Olteynys boayrd | Royal Shakespeare Company (en) |
| Aundyryn | slane rolley
|
| Kianglaghyn fysseree as sheshoil | |
| IMDb | nm0000614 |
| Discogs ID | 1066516 |
Haink y chied phaart 'sy scannaneaght echey myr y fer toshee atçhimagh Germaanagh Hans Gruber ayns Die Hard (1988). Chammah's shen, ren eh cloie Shirrym Nottingham ayns Robin Hood: Prince of Thieves (1991), raad chossyn eh Aundyr BAFTA son yn Aghteyr Share ayns Paart Co-hassooagh; Elliott Marston ayns Quigley Down Under (1990); Jamie ayns Truly, Madly, Deeply (1991); P.L. O'Hara ayns An Awfully Big Adventure (1995); Colonel Brandon ayns Sense and Sensibility (1995); Éamon de Valera ayns Michael Collins (1996); Alexander Dane ayns Galaxy Quest (1999); Metatron ayns Dogma (1999); Severus Snape ayns straih Harry Potter (2001–2011); Harry ayns Love Actually (2003); Marvin the Paranoid Android ayns The Hitchhiker's Guide to the Galaxy (2005); as Judge Turpin ayns Sweeney Todd: The Demon Barber of Fleet Street (2007).
Hoshee Rickman cloie er y çhellveeish tra ren eh cloie Tybalt ayns Romeo and Juliet (1978) myr ayrn jeh straih Shakespeare liorish y BBC. She yn chied phaart mooar v'echey na myr Obadiah Slope 'syn aa-chummey çhellveeish jeh The Barchester Chronicles (1982) liorish y BBC. Ny s'anmey, ren eh cloie ayns scannaneyn çhellveeish, goaill stiagh y paart myr y karacteyr enmyssagh ayns Rasputin: Dark Servant of Destiny (1996), raad chossyn eh Aundyr Golden Globe, Aundyr Emmy as Aundyr y Screen Actors Guild, as Alfred Blalock ayns Something the Lord Made (2004).
Hooar Rickman baase kyndagh rish kanghyr y fairaig villish er 14 Jerrey Geuree 2016 tra v'eh 69 bleeaney d'eash.[1][2] V'ad ny paartyn jerrinagh echey myr Aaghineraal Frank Benson 'sy scannane creauagh Eye in the Sky (2015), as gooy phraddag ayns Alice Through the Looking Glass (2016).
Seamless Wikipedia browsing. On steroids.
