shenn çheer 'syn Oarpey Veanagh (1918-1992) From Wikipedia, the free encyclopedia
Y Çheckoslovack[1] (Sheckish as Slovackish: Československo, Česko-Slovensko)[2] she steat thallooinit 'syn Oarpey Veanagh[3] va crooit ayns 1918 tra ren eh fogrey magh seyrsnys voish yn Austeyr-Ungaar. Ayns 1938, lurg Conaant München, haink y Sudetenland dy ve goit stiagh 'sy Ghermaan Natseeagh, choud's chaill y çheer thallooyn elley da'n Ungaar as da'n Pholynn (y Rutheen Charpathagh da'n Ungaar as Zaolzie da'n Pholynn). Eddyr 1939 as 1945, haink jerrey lesh y steat, tra ren y Clovack fogrey magh e seyrsnys as haink ny thallooyn elley 'sy niar dy ve goit stiagh 'syn Ungaar, choud's va'n Coadanys Germaanagh Bohemia as Moravia fogrit magh ayns Thallooyn ny Sheckee. Ayns 1939, lurg brishey magh y Nah Chaggey Dowanagh, chur aa-eaghtyrane y Çheckoslovack Edvard Beneš reiltys er eebyrt er bun as hirr eh enney voish ny Cochaarjyn.
Y Çheckoslovack Československo[lower-alpha 1] | |||||
| |||||
| |||||
Jarroo-raa 'Pravda vítězí / Pravda víťazí' (Sheckish / Slovackish, 1918–1990) 'Veritas vincit' (Ladjyn, 1990–1992) 'Ta'n firrinys goaill niart' | |||||
Arrane ashoonagh Kde domov můj? / Nad Tatrou sa blýska "C'raad ta my valley?" / "Tendreil harrish Sleityn Tatra" | |||||
![]() | |||||
Preeu-valley | Praag | ||||
Çhengaghyn | Sheckoslovackish, lurg 1948 Sheckish · Slovackish Çhengaghyn ennit: | ||||
Reiltys | Y Chied Phobblaght (1918–38) Y Nah Phobblaght (1938–39) Y Trass Pobblaght (1945–48) Y Phobblaght Hoshiallagh (1948–89) Y Phobblaght Chonastit (1990–92) Sonreeaghtyn
| ||||
Eaghtyrane | |||||
- 1918–1935 | Tomáš G. Masaryk (y chied) | ||||
- 1989–1992 | Václav Havel (jerrinagh) | ||||
Quaiyl | Y Çhionnal Ashoonagh (1948–1969) Y Çhionnal Chonastagh (1969–1992) | ||||
Shennaghys | |||||
- Fogrey | 28 J. Fouyir 1918 | ||||
- Skeaylley | 14 Mayrnt 1939 | ||||
- Currit er ash | 10 Boaldyn 1945 | ||||
- Skeaylley | 1 Jerrey Geuree 1993 | ||||
Eaghtyr | |||||
- 1938 | 140,800 km² (54,363 mi ker) | ||||
Earroo yn phobble | |||||
- 1938 ool. | 14,800,000 | ||||
Glooaght | 105.1 /km² (272.2 /mi ker) | ||||
Argid | Koruna Sheckoslovackagh | ||||
Lurg y Nah Chaggey Dowanagh, va'n Çheckoslovack aa-vunnit lesh joaraghyn cheddin as v'ayn roish 1938, faagail magh y Rutheen Charpatagh haink dy ve goit stiagh ayns PHH yn Ookraan (pobblaght çheusthie jeh'n Unnaneys Soveidjagh). Ghow yn Partee Cummynagh greim er y phooar ayns eaght ayns 1948. Eddyr 1948 as 1989, va'n Çheckoslovack coontit stiagh 'sy Vloc Hiar lesh tarmaynys plannit. Ren e olteynys ayns Comecon voish 1949 as e staydys coadee ayns Co-unnaneys Warsaw voish 1955 formoilaghey e staydys tarmaynagh echey. Haghyr tammylt beg jeh libraalaghey politickagh ayns 1968, Arragh Phraag, chur yn Unnaneys Soveidjagh fo chosh dy dewil lesh cooney voish çheeraghyn elley Cho-unnaneys Warsaw tra ren ad ruegey yn Çheckoslovack. Ayns 1989, tra va reiltyssyn Marksagh–Leninagh as y cummynys tuittym er feie'n Oarpey Veanagh as Hiar, ren ny Sheckoslovackee ceau magh nyn reiltys car y Vun-chaghlaa Velvad, ghow toshiaght er 17 Sauin 1989 as ghow jerrey 11 laa ny s'anmey er 28 Sauin tra dirree dagh fer jeh ny toshee Chummynagh as y partee Cummynagh hene ass. Er 31 Nollick 1992, scarr y Çheckoslovack dy sheeoil magh 'sy daa steat seyr er lheh y Phobblaght Çheck as y Clovack.[4]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.