WarnerMedia
aa-cholught covestit Americaanagh ny meanyn / From Wikipedia, the free encyclopedia
Warner Media, LLC (hie er traghtal myr WarnerMedia), she covestey eunysseyrys yl-ashoonagh ny meanyn mooarey ayns shelloo AT&T v'eh. Va'n kione-cherroo echey soit ec 30 Hudson Yards ayns Caayr York Noa, ny Steatyn Unnaneysit.
Y logo jerrinagh, ymmydit eddyr 2019 as 2022 | |
30 Hudson Yards, kione-cherroo jerrinagh WarnerMedia ayns New York City | |
Ennym traghtee |
WarnerMedia |
---|---|
Shenn-enmyn |
|
Sorçh | Fo-cholught |
Çhynskyl |
|
Roie-immeeaghtyn |
|
Bunnit | 10 Jerrey Geuree 1990 (1990-01-10) |
Ass bree | 8 Averil 2022 (2022-04-08) |
Cronney | Skyrrit magh ass AT&T as mestit rish Discovery, Inc. |
Eiyrtyssagh | Warner Bros. Discovery |
Kione-cherroo |
30 Hudson Yards, , ny Steatyn Unnaneysit |
Eaghtyr obbree |
Er feie ny cruinney |
Deiney ogheragh |
|
Markyn |
|
Çheet stiagh | $35.63 billoonyn (2021) |
Çheet stiagh obbree |
$7.24 billoonyn (2021) |
Shellooder | AT&T (2018–2022) |
Earroo ny failleydee |
25,600 (2015) |
Rheynnyn |
|
Ynnyd-eggey | warnermedia.com |
Fo-noteyn / imraaghyn [1][2][3][4][5] |
V'eh bunnit myr Time Warner ayns 1990, lurg mestey eddyr Time Inc. as Warner Communications. Va obbraghyn fillym, çhellveeish, as caabyl ec y cholught. Va cooid shellooyn y cholught goaill stiagh WarnerMedia Studios & Networks (va jeant ass ny cooid eunysseyrys Turner Broadcasting, HBO, as Cinemax, chammah as Warner Bros., as eh hene jeant ass seyrlannyn fillym, bioghid, çhellveeish, rheynn eunysseyrys thie y cholught, as Studio Distribution Services, e cho-ventyr lesh Universal Pictures Home Entertainment, DC Comics, New Line Cinema, as, myrane lesh CBS Entertainment Group[6], rheynn 50% ayns The CW); WarnerMedia News & Sports (va jeant ass cooid naight as spoyrtyn jeh Turner Broadcasting, goaill stiagh CNN, Turner Sports, as AT&T SportsNet); WarnerMedia Sales & Distribution (jeant ass y cholught meanyn bun-earrooagh Otter Media); as WarnerMedia Direct (jeant ass y çhirveish strooanagh HBO Max).
Dyn y wooise da skyrraghtyn magh Time Inc. ayns 2014, dreill y colught yn ennym Time-Warner veih 1990, haink dy ve Time Warner ayns 2003, derrey 2018, tra va'n colught aa-enmyssit myr WarnerMedia erreish da row eh kionnit liorish AT&T.[7] Er 22 Jerrey Fouyir 2016, ren AT&T fogrey magh dy h-oikoil dy row ad geiyrt er kionneeaght Time Warner er $85.4 billoonyn (goaill stiagh feeaghyn Time Warner), cur leagh er $107.50 'sy rheynn er y cholught.[8][9] Va'n mestey shickyrit er 12 Mean Souree 2018,[10] lurg ren AT&T cosney cooish leigh noi-varrantys va tashtit liorish Rheynn Cairys ny Steatyn Unnaneysit ayns 2017 noi'n chionneeaght,[11] as haink jerrey lesh daa laa ny yei tra haink y colught dy ve ny 'o-cholught jeh AT&T.[12] Va'n ennym jerrinagh doltit liorish y cholught y chied laa elley.[13] Fo AT&T, hie yn colught launshey shirveish strooanagh va troggit er stoo yn cholught, enmyssit myr HBO Max. Ren WarnerMedia moggylyn eunysseyrys Turner fo un unnid er 10 Luanistyn 2020 trooid cur-ry-cheilley ny cooid WarnerMedia Entertainment as Warner Bros. Entertainment stiagh ayns un unnid noa, WarnerMedia Studios & Networks Group.[14][15] Er 17 Boaldyn 2021, begnagh tree bleeaney lurg y chionneeaght, ren AT&T fogrey magh dy row ad faagail y dellal eunysseyrys trooid creck WarnerMedia ayns mestey rish Discovery, Inc. son colught traghtee theayagh noa y chroo, Warner Bros. Discovery. Va'n bargane doont er 8 Averil 2022.