Tuone Udaina
y Dalmaatisheyr jerrinagh / From Wikipedia, the free encyclopedia
She Tuone Udaina (1823 – 10 Mean Souree, 1898; Antonio Udina 'syn Iddaalish) y dooinney jerrinagh va fys erbee echey 'sy Dalmaatish, çhengey Romanagh dirree magh ass y Ladjyn er coose hiar y Vooir Aidreeatagh. She eshyn va preeu-vun abbyrt e phaarantyn, yn abbyrt va loayrit er ellan Veglia (Krk 'sy Chroitish). She Matteo Bartoli yn çhengoayllee ren y recortyssey ayns 1897.
Tuone Udaina | |
---|---|
![]() | |
Ruggit |
27 Mean Fouyir 1821 Veglia, yn Austeyr as yn Ungaar |
Hooar baase |
10 Mean Souree 1898 Veglia, yn Austeyr-Ungaar |
Bun baaish | baase tuittymagh (saase bleaystagh) |
Seyraanaght |
Impiraght yn Austeyr yn Austeyr-Ungaar |
Çhengey | Dalmaatish |
Keird | dooinney post · cleragh ny killagh |
Mie er enney son | Y dooiney jerrinagh ren loayrt y Dalmaatish |
Va'n lhiass-ennym Burbu currit er, agh cha nel fys ain mychione bun-ocklaght yn 'ockle shen. Ren Bartoli kiangley eh dy neuhickyr rish burbero, fockle Iddaalish son dooinney groamagh granganagh. Ta çhyndaayssyn elley goaill stiagh "barbaragh" as "baareyder". Dobbree eh myr fer postagh mooiragh as myr ruillickeyr.[1]
Cha row Dalmaatish Veglia y çhengey ghooghyssagh echey, er-yn-oyr dy ren eh ynsaghey eh as eh geashtagh rish coloayrtyssyn preevaadjagh e phaarantyn. Cha loayr eh yn Dalmaatish rish 20 bleeaney roish dy hoshee eh gobbraghey myr faishnyseyr çhengoaylleeagh. Cha ren ad recortyssyn sheean rieau.
Tra hooar Udaina baase as eh 74 bleeaney d'eash ayns bleaystey car obbyr bayr er 10 Mean Souree 1898, t'eh currit er hene dy hooar yn Dalmaatish baase er-yn-oyr nagh row Dalmaateyr elley feddynit as cha row eh er fys dy row Dalmaateyr elley foast bio.[2][3]