traartys shivoilee liorish forsaghyn armit Rooshagh ayns 2022 ayns Bucha, yn Ookraan From Wikipedia, the free encyclopedia
Ta Traartys Bucha (Ookraanish: Бучанська різанина) çheet er dunveryssyn as caartrey seyraanee Ookraanagh liorish Forsaghyn Armit y Roosh car y chah son, as y chummaltys jeh Bucha car y Ruegys Rooshagh er yn Ookraan. Hie feanish fotografagh as feeshan er ny hoilshaghey magh er 1 Averil 2022 lurg cooyllaghey ny forsaghyn Rooshagh voish y chaayr.[1][2]
Sorçh | traartys kimmeeys caggee kynney-ghunverys |
---|---|
Enmyssit ass | Bucha, Queiggey Kyiv |
Ayrn jeh | kimmeeyssyn caggee Rooshagh, Ruegys Rooshagh er yn Ookran, faghtys yn Ookraan Hwoaie, Cah Bucha as kimmeeyssyn caggee car y ruegys Rooshagh er yn Ookraan |
Earish | 27 Toshiaght Arree 2022 - 31 Mayrnt 2022 |
Date feaillere | Mayrnt 2022 |
Date er lheh | 27 Toshiaght Arree 2022 – 31 Mayrnt 2022 |
Earish henndeeagh | shennaghys co-emshiragh |
Soiaghey | Bucha, Queiggey Kyiv |
Çheer | yn Ookraan |
Commagh | |
Targaid | Ookraanee |
Earroo ny baaseyn | ≥ 411 |
Jantagh | 46oo Brigaid ny Gardaghyn Raifyl Motorit Forsaghyn Armit y Roosh |
Meanyn | |
Hash-chowrag | #BuchaMassacre |
Er lesh y veoir as lughtyn reill ynnydagh elley, ta mysh 1,300 kirp er ve feddynit voish y chaayr as ny h-ardjyn mygeayrt-y-mooee,[3] goaill stiagh 31 phaitçhey. Haishbyn fotografyn kirp heyraanee, ayns linnaghyn as nyn laueyn kianglt çheu chooylloo oc, as ad er ve lhiggit orroo jeeragh 'sy chione; ren eh cur feanish dy nee cur-gy-baaish giare v'ayn.[4] Ren brialtys liorish Radio Free Europe cur feanish dy row ymmyd jeant jeh laare fo halloo çheu heese voish ynnyd campal myr shamyr horçhee.[5] Shimmey corp va feddynit as ad lhottit as loshtit,[6][7] as ren caillinyn cha aeg as kiare bleeaney jeig d'eash cur coontyssyn dy row ad eginit ec sidooryn Rooshagh.[6][8] Yeearree yn Ookraan er y Chooyrt Chimmeeys Eddyrashoonagh ronsaghey magh cre haghyr ayns Bucha myr ayrn jeh'n ronsaghey rea bentyn rish y ruegys son feddyn magh haghyr kimmeeyssyn caggee Rooshagh ny kimmeeyssyn noi'n çheelnaue ny dyn.[9][10]
Ta ny lughtyn reill Rooshagh gra nagh lhieu yn freggyrtys as dy ren yn Ookraan foalsaghey feeshanyn y taghyrt ny cloie ny dunveryssyn myr obbraghey brattagh foalsey,[11] as t'ad gra dy nee "naight foalsey" ad feeshanyn as fotografyn ny kirp varroo.[12] Cheau possanyn as sheshaghtyn ym-ysseraght eigsoylagh er feie ny cruinney anghoo er ny jeean-loayrtyssyn Rooshagh. Ren feanishyn sooilley voish cummaltee Bucha gra dy nee Forsaghyn Armit y Roosh jantee ny dunveryssyn.[13]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.