Skelloo Rioee Ross

81°30′S 175°00′W

Ta Skelloo Rioee Ross soit eddyr Thalloo Marie Byrd as Thalloo Victoria

She Skelloo Rioee Ross ny skelloo rioee smoo 'syn Antarctagh. As eh mysh 800 km (500 mi) er lheead,^[1] t'eh cha mooar as y Rank).^[2] T'eh keeadyn dy veaderyn er çheeid. Ta'n eddin begnagh jeeragh rish y vooir mysh 600 km (370 mi) er lhiurid as eddyr 15 as 50 m (eddyr 50 as 160 trieyn) er yrjid harrish laare yn ushtey.^[3] Ta 90 'sy cheead jeh'n rio er snaue soit fo laare yn ushtey, ansherbee.

Ta'n chooid smoo jeh Skelloo Rioee Ross soit ayns Croghane Ross ta aggyrtit ec y Teelynn Noa. T'eh snaue ayns, as coodaghey, ayrn mooar jeh Mooir Ross as slanid Roosevelt Island ta ny hoie ayns shiar Vooir Ross.

Ta'n skelloo rioee geddyn yn ennym echey voish y Reejerey James Clark Ross, ren feddyn magh eh er 28 Jerrey Geuree 1841. Va'n ennym "Y Cagliagh" currit er hoshiaght, marish marenmyn eigsoylagh goaill stiagh "Y Cagliagh Mooar Rioee", er yn oyr dy chur eh lhiettrimys er y çhiaulley my yiass. Chur Ross sheese yn eddin rioee er caslyssyn-çheerey goll shiar dys 160° W. Ayns 1947, ren y U.S. Board on Geographic Names cur yn ennym "Ross Shelf Ice" er y chummey thallooyn shoh as v'eh soilshit magh 'sy U.S. Antarctic Gazetteer bunneydagh. Ayns Jerrey Geuree 1953, va'n ennym ceaghlit dys "Ross Ice Shelf"; ennym va soilshit magh ayns 1956.^[4][5]

Imraaghyn

1. "Ice-Shelf Melting Around Antarctica" (ayns en) (19 Jerrey Souree 2013). Science. Ym-lioar 341 (6143): 266–270. doi:10.1126/science.1235798. ISSN 0036-8075. PMID 23765278. Bibcode: 2013Sci...341..266R.
2. "Antarctic Hazards". Towshan-çheerey Goaldagh yn Antarctagh. Er ny hashtey veih yn lhieggan bunneydagh er 2015-07-11. Feddynit magh er 20 Averil 2019.
3. Scheffel, Richard L.; Wernet, Susan J., rdyn. (1980). Natural Wonders of the World. United States of America: Reader's Digest Association, Inc. dg. 325. ISBN 978-0-89577-087-5.
4. 1) [Bertrand, Kenneth John, et al, ed.] The Geographical Names of Antarctica. Special Publication No. 86. Washington, D.C.: U.S. Board on Geographical Names, Boaldyn 1947. 2) [Bertrand, Kenneth J. as Fred G. Alberts]. Gazetteer No. 14. Geographic Names of Antarctica. Washington: US Government Printing Office, Jerrey Geuree 1956.
5. "Ross Ice Shelf Case Brief". US Board on Geographic Names. Er ny hashtey veih yn lhieggan bunneydagh er 2017-06-30. Feddynit magh er 1 Boaldyn 2016.

Kianglaghyn magh