She çhengey Aishanagh ee Shapaanish (日本語 Nihongo?), as t'ee goll er loayrt 'sy Çhapaan ec 130 millioon dy 'leih, chammah's ayns sheshaghtyn arragher magh. She çhengey gleiynaghey t'ayn, as ish towshit rere mora. Ta corys arrym crampit eck.
| Shapaanish | ||
|---|---|---|
| 日本語 Nihongo | ||
| Fockley magh | [nihoŋɡo] | |
| Goll er loayrt ayns | Yn Çhapaan | |
| Earroo loayreyderyn | 130 millioon[1][2] | |
| Rhenk | 9 | |
| Kynney çhengey | Shapaanagh
| |
| Corys screeuee | Kanji, Hiragana, Katakana, Rōmaji | |
| Staydys oikoil | ||
| Çhengey oikoil ayns |  Y Çhapaan Palau | |
| Fo stiurey ec | ||
| Coadyn çhengey | ||
| ISO 639-1 | ja | |
| ISO 639-2 | jpn | |
| ISO 639-3 | jpn | |
| Nodyn: Foddee vel cowraghyn sheeanagh ASE ayns Unicode er yn duillag shoh. | ||
Ta tree coryssyn screeuee eck: kanji, lesh karracteyryn goit ass Hànzì Sheenagh; kana (hiragana as katakana), daa chorys screeuee shillabagh; as ny keayrtyn, rōmaji, as shen jannoo ymmyd jeh'n abbyrlhit Romanagh son dy screeu Shapaanish. Ta earrooyn Arabagh chammah's earrooyn Sheenagh-Shapaanagh ry-akin.
Va cummaght er fockle-hasht Hapaanish ec Sheenish rish 1 500 bleeantyn er y chooid sloo, as myr shen shimmey fockle t'er ny eeasaghey jee. Neayr's anmagh sy 19oo eash ta cummaght hengaghyn Ind-Oarpagh er ve urree myrgeddin, ec Baarle er lheh, agh er coontey kianglaghyn dellal ayns ny 16oo as eashynyn, ec Portiugish as Ollanish myrgeddin.
Ga dy vel Shapaanish currit da'n Çhapaan son y chooid smoo, v'ee goll er loayrt ayns buill elley traaghyn dy row, as t'ee ry-chlastyn foast ayns kuse jeu. Tra va Impiraght ny Shapaan gurneil y Chorea, y Taiwaan, rheynn jeh çheer vooar ny Sheen, ny h-Ellanyn Philippeenagh as ellanyn elley, roish as car y Nah Chaggey Dowanagh, v'ad cur er ny cummaltee ynsaghey Shapaanish.
Ta Shapaanish ny çhengey oikoil 'sy Çhapaan as ayns yn ellan Angaur ayns Palau. She hyōjungo (標準語?) ny kyōtsūgo (共通語?) eh y cummey cadjin eck. Haink rish y cummey shoh ny lurg y Aachroo Meiji (明治維新 meiji ishin?) ayns 1868, rere abbyrt Yamanote, as shen ard ooasle ayns Tokyo. Ta'n cummey shoh goll er ynsaghey ayns scoillyn, as t'ee ry-chlastyn er y çhellveeishan as ayns çhaghteraghtyn oikoil. Ta'n art shoh loayrt er Hyōjungo mannagh vel note elley ayn.
Keayrt dy row, va anchaslys eddyr Shapaanish screeut (文語 bungo?, "glare focklymagh ") as glare y theay (口語 kōgo?). Ta coryssyn grammeydagh er lheh ec y daa as anchaslyssyn 'sy tasht-fockle. Derrey mysh 1900, v'ad screeu Shapaanish liorish Bungo, agh neayr's shen ta kōgo er lheeadaghey y chummaght eck. Neayr's ny 1940yn, she kōgo t'ad screeu, agh ta scansh ec Bungo foast bentyn rish shennaghys, lettyraght as shiartanse dy shenn leighyn. Son y chooid smoo rish foddey, she Kōgo t'ad loayrt as screeu jiu, agh ny keayrtyn t'ad jannoo ymmyd jeh grammeydys ny focklyn bungo er son bree ennagh.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
