Reagheydys Slaynt y Theihll
jantys slaynt er lheh jeh ny h-Ashoonyn Unnaneysit / From Wikipedia, the free encyclopedia
Reagheydys Slaynt y Theihll ny Sheshaght Slaynt y Theihll, (WHO, RST, ny SST), she jantys er-lheh jeh ny h-Ashoonyn Unnaneysit t'eh as currym echey ry-hoi slaynt heayagh y Dowan.[1] Ta'n kione-cherroo echey soit ayns Geneva, yn Elveeish, as ta shey oikyn ardjynagh as 150 oikyn magheragh echey er feie ny cruinney.[2]
Va Reagheydys Slaynt y Theihll bunnit er 7 Averil 1948 as haghyr y chied chruinnaght er 24 Jerrey Souree jeh'n vlein cheddin.[3][4] Ghow eh huggeysyn cooid, skimmee, as currymyn Reagheydys Slaynt Chommeeys ny h-Ashoonyn as Office International d'Hygiène Publique va bunnit ayns Paarys, goaill stiagh Rang-oardraghey Eddyr-ashoonagh ny Gorlaghyn (ICD).[5] Hoshee obbyr y jantys dy kiart ayns 1951 lurg yn-sheeley cooid argidoil as çhaghnoaylleeagh.[6]
She anney oikoil yn WHO t'ayn na ardjaghey slaynt as sauçhys as, ec y traa cheddin, cur cooney dauesyn so-lhottey er feie ny cruinney. T'eh kiarail cooney çhaghnoil da çheeraghyn, cur sheese stundayrtyn eddyr-ashoonagh y claynt, çhaghlym fysseree bentyn rish cooishyn slaynt dowanagh, as gobbraghey myr forym daresoonaghtyn sheanse ny polasee bentyn rish y claynt.[1] Ta'n clou oikoil echey, y World Health Report, kiarail meihaghyn er bun-chooishyn slaynt dowanagh.[7]