Ookraanee
possan kynneeagh Slavagh ass yn Oarpey Hiar / From Wikipedia, the free encyclopedia
Ookraanee (Ookraanish: українці), she possan kynneeagh jeh'n sluight Slavagh Hiar dooghyssagh da'n Ookraan t'ad. She ny h-Ookraanee y shiaghtoo ashoon smoo[1] 'syn Oarpey as y nah ashoon smoo mastey ny Slavee Hiar lurg ny Rooshee. Rere Bunraght yn Ookraan, ta'n enmys Ookraanagh çheet er dagh seyraanagh 'sy çheer.[2] She Cair-chredjuee Hiar y chooid smoo jeh ny h-Ookraanee.
Ookraanee українці | ||||||||||||
---|---|---|---|---|---|---|---|---|---|---|---|---|
Earroo yn phobble | ||||||||||||
Ny smoo na 43 millioon |
||||||||||||
Ardjyn lesh sleih mooar jeu | ||||||||||||
| ||||||||||||
Çhengaghyn | ||||||||||||
Craueeaght | ||||||||||||
Kynnaghyn mooinjeragh | ||||||||||||
Ny Slavee Hiar elly (Rooshee, Belarooshee, Rusynee) |
Va ny h-Ookraanee enmyssit Ruthenee derrey yn 20oo eash leah,[3][4][5] as eh çheet er y thalloo vean-eashagh Ruthenia. She yn enmys Ladjyn va currit er Rus' Kyivagh, steat Slavagh mean-eashagh va bunnit ayns Kyiv. Lurg e tuittym, dirree Reeriaght Ruthenia magh, agh v'eh rheynnit magh beggan ny yei. Voish y 15oo eash, va lught yn Ookraan enmyssit Cossackyn as ren ad cur er bun steat Sheshaght Zaporizhzhia. Ta trimmid currit er y chiangley rish Cossackyn Zaporizhzhia er lheh ayns arrane ashoonagh yn Ookraan, "Ta shin, vraaraghyn, jeh sluight Cossackagh".