Nieu-nearag

She stoo kemmigagh ta bentyn rish nearagyn eh nieu-nearag. T'eh goaill stiagh stooghyn giennit çheumooie, chammah's stooghyn giennit çheusthie ta jannoo assee er co-chruinnaghey ard ass neuoayllagh.^[2][3] T'ad jannoo assee da nearagyn ta gaase, ny ta nearagyn aasnit, ny da'n jees oc.

Ta nieu-nearag ec ymmodee bioagyn, myr sampleyr cyanobacteria.^[1]

Ga dy vel ad jannoo assee, t'ad ymmydoil er son ronsaghey er coryssyn nearag, myr sampleyr, dys feddyn magh obbyr nearag ny olt nearag er lheh.^[4] T'ad goaill stiagh leoaie,^[5] ethanol,^[6] glutamate,^[7] ocsaid neetaragh,^[8] nieu botulinum (pyshoonys pronnag),^[9] nieu tetanus (glassey keeilley),^[10] as tetrodotoxin.^[4]