Ta Nomenclature d'unités territoriales statistiques ("Enmys Unnidyn Thallooin Staydraaoil") ny NUTS[1][2][3][4] ny corys cadjinit dys çheet er aarheynnyn çheerey er son staydraa. T'eh fo stiurey yn Unnaneys Oarpagh, as t'eh rang-oardraghey olteynyn yn Unnaneys son y chooid smoo. Ta ymmyd jeant jeh dys cooilleeney Tashtey Troggalagh yn Unnaneys.
Ta keimoilaght tree keimyn NUTS currit er dagh çheer oltey yn UO liorish Eurostat. Cha nel dagh aarheynn NUTS corrym rish aarheynn reiragh ny çheerey. Ec toshiaght y choad, ta daa lettyr. Er lhimmey jeh'n RU, t'ad rere coad ISO 3166-1 alpha-2 ny çheerey.[n 1] Ta ny aarheynnyn cowrit liorish earrooyn 1-9, ny lettyryn mooarey my ta rouyr aarheynnyn ayn. Myr sampleyr, ta Bretyn cowrit liorish UKL, Bretyn Heear liorish UKL1, as Moan liorish UKL11.
Rere NUTS 2008-2011, ta 97 ardjyn NUTS 1, 271 ardjyn NUTS 2 as 1303 ardjyn NUTS 3 ayn.[5] Ta corys staydraaoil faggys da er ny veenaghey er son olteynyn shirree yn UO as olteynyn Co-heshaght Dellal Seyr Oarpagh, agh cha nel ad ayns NUTS ny fo stiurey ny h-annaghyn echey.
Choud's tree keimyn da çheeraghyn UO, ta coad NUTS ec dagh ooilley çheer, jeant jeh daa lettyr da'n vooar-rheynn as as daa earroo da'n çheer. Ta earrooyn er lheh ec steatyn, queiggaghyn as thallooyn ny Steatyn Unnaneysit, ny Canadey as ny h-Austrail myr dy row ad nyn jeeraghyn hene.
Ta doilleeidyn ennagh ayn; myr sampleyr, ta NUTS cur Gibraaltar çheumooie jeh'n UO myr EO21, as ta Geeaaney ayn daa cheayrt, myr FR930 ny Frank as myr AS13 ayns America Yiass.
Keimyn
Ta tree keimyn NUTS er veenaghey, as daa cheim unnid reiragh ynnydagh (LAU, Baarle: Local Administrative Unit) foue. Derrey Jerrey Souree 2003, she keimyn NUTS 4 as 5 v'ayn, agh hie ad er scryssey dy oikoil. Cha nel dagh keim breeoil ec dagh çheer, rere y vooadys j'ee. Myr sampleyr, ta keimyn NUTS 1-3 Lucsemburg çheet er y lane heer; cha nel agh LAUyn breeoil eck.
| Çheeraghyn | NUTS 1 | NUTS 2 | NUTS 3 | ||||
|---|---|---|---|---|---|---|---|
| Olteynyn yn UO | 27 | 97 | 271 | 1303 | |||
| Yn Austeyr | AT | Possanyn dy steatyn | 3 | Steatyn | 9 | Possanyn dy 'lystyn | 35 |
| Yn Velg | BE | Ardjyn | 3 | Queiggaghyn (+ yn Vrussyl) | 11 | Arrondissementyn (Verviers rheynnit ayns daa) | 44 |
| Yn Vulgeyr | BG | Ardjyn | 2 | Ardjyn troggalagh | 6 | Queiggaghyn | 28 |
| Yn Cheeprey | CY | — | 1 | — | 1 | — | 1 |
| Yn Phobblaght Çheck | CZ | — | 1 | Oblastyn | 8 | Ardjyn | 14 |
| Yn Ghermaan | DE | Steatyn | 16 | Ardjyn reiltagh | 39 | Slystyn | 429 |
| Yn Danvarg | DK | — | 1 | Ardjyn | 5 | Thallooyn | 11 |
| Yn Estaan | EE | — | 1 | — | 1 | Possanyn dy choondaeghyn | 5 |
| Yn Spaainey | ES | Possanyn dy voodeeyssyn hene-reiltagh | 7 | 17 boodeeyssyn hene-reiltagh as 2 chaayr hene-reiltagh | 19 | Queiggaghyn + Ellanyn + Ceuta and Melilla | 59 |
| Finnlynn | FI | Finnlynn Neuellanagh, Åland | 2 | Ardjyn mooarey | 5 | Ardjyn | 20 |
| Y Rank | FR | Z.E.A.T. + DOM | 9 | Ardjyn + DOM | 26 | Rheynnyn + DOM | 100 |
| Yn Ghreag | GR | Possanyn dy h-ardjyn plannal | 4 | Ardjyn | 13 | Meoiraghtyn | 51 |
| Yn Ungaar | HU | Ardjyn mooarey staydraaoil | 3 | Ardjyn plannal as staydraaoil | 7 | Coondaeghyn + Budapest | 20 |
| Nerin | IE | — | 1 | Çhionnalyn Ardjynagh | 2 | Lughtyn-reilley ardjynagh | 8 |
| Yn Iddaal | IT | Possanyn dy h-ardjyn | 5 | Ardjyn (Trentino-Alto Adige/Südtirol rheynnit ayns daa) | 21 | Queiggaghyn | 107 |
| Y Litaan | LT | — | 1 | — | 1 | Coondaeghyn | 10 |
| Lucsemburg | LU | — | 1 | — | 1 | — | 1 |
| Y Latvey | LV | — | 1 | — | 1 | Ardjyn (+ Riga) | 6 |
| Y Valta | MT | — | 1 | — | 1 | Ellanyn | 2 |
| Yn Çheer Injil | NL | Possanyn dy wheiggaghyn | 4 | Queiggaghyn | 12 | Ardjyn COROP | 40 |
| Yn Pholynn | PL | Ardjyn | 6 | Queiggaghyn | 16 | Fo-ardjyn | 66 |
| Yn Phortiugal | PT | Neuellanagh (+ ny h-Ellanyn Asoar as yn Vadeirey) | 3 | Barrantys Co-oardee Ardjynagh + Ardjyn Hene-reiltagh]] | 7 | Possanyn dy valjaghtyn | 30 |
| Y Romaan | RO | Macro-ardjyn | 4 | Ardjyn | 8 | Coondaeghyn + Bucharest | 42 |
| Yn Toolyn | SE | Ardjyn | 3 | Ardjyn Ashoonagh | 8 | Coondaeghyn | 21 |
| Yn Clovean | SI | — | 1 | Macro-ardjyn | 2 | Ardjyn staydraaoil | 12 |
| Yn Clovack | SK | — | 1 | Oblastyn | 4 | Ardjyn | 8 |
| Reeriaght Unnaneysit | UK | Ardjyn Hostyn | 9 | Coondaeghyn (lomarcan ny myr possan); Lunnin Sthie as Mooie | 30 | Lughtyn-reilley s'ardjey as possanyn dy lughtyn-reilley s'inshley (lughtyn-reilley ny r slystyn) | 93 |
| Bretyn | 1 | Possanyn dy lughtyn-reilley unnaneagh | 2 | Possanyn dy lughtyn-reilley unnaneagh | 12 | ||
| Nalbin | 1 | Possanyn dy lughtyn-reilley unnaneagh ny slystyn | 4 | Possanyn dy lughtyn-reilley unnaneagh ny slystyn | 23 | ||
| Nerin Hwoaie | 1 | — | 1 | Possanyn dy 'Lystyn | 5 | ||
| Olteynyn shirree | 5 | 16 | 32 | 113 | |||
| Yn Chroit | HR | — | 1 | Ardjyn | 3 | Coondaeghyn | 21 |
| Yn Eeslynn | IS | — | 1 | — | 1 | Preeu-valley vs. cooid elley | 2 |
| Yn Vasseydoan | MK | — | 1 | — | 1 | Ardjyn staydraaoil | 8 |
| Montenegro | ME | — | 1 | — | 1 | — | 1 |
| Yn Turkee | TR | Ardjyn | 12 | Fo-ardjyn | 26 | Queiggaghyn | 81 |
| Çheeraghyn EFTA | 3 | 3 | 15 | 46 | |||
| Liechtenstein | LI | — | 1 | — | 1 | — | 1 |
| Norlynn | NO | — | 1 | Ardjyn | 7 | Coondaeghyn | 19 |
| Yn Elveeish | CH | — | 1 | Ardjyn | 7 | Cantoonyn | 26 |
Bun
Ta ardjyn NUTS rere aarheynnyn reiragh t'ayn foast. Ayns çheeraghyn gyn agh aarheynn ny ghaa oc, ny adsyn as aarheynnyn ro-veg oc, t'ad croo keim NUTS noa. Foddee eh ve er y chied cheim (Y Rank, yn Iddaal, y Ghreag, y Spaainey); er y nah cheim (yn Ghermaan) ny er y treeoo cheim (y Velg).[6] Ayns çheeraghyn beggey, ta keimyn 1, 2, as 3 corrym rish y fer heose, ny rish y lane heer (Lucsemburg, y Cheeprey, Nerin).
Ta ny h-earrooyn heese cur coyrle da bun ny h-ardjyn, agh cha nel ad soit. Myr sampleyr, ta'n Chorn (pobble mysh 531,000) as Lombardy (mysh 10 millioon) er NUTS 2.
| Keim | Sloo | Smoo |
|---|---|---|
| NUTS 1 | 3 millioon | 7 millioon |
| NUTS 2 | 800 thousane | 3 millioon |
| NUTS 3 | 150 thousane | 800 thousane |
Sampleyryn
- DE: y Ghermaan
- DE7: Hessen - Bundesland myr kied cheim NUTS ny Germaan
- DE71: Darmstadt - Regierungsbezirk myr nah cheim
- DE71E: Wetteraukreis - Kreis myr treeoo cheim
- DE71: Darmstadt - Regierungsbezirk myr nah cheim
- DE7: Hessen - Bundesland myr kied cheim NUTS ny Germaan
- AA: Asia
- AA25: Thailand
- US16: Kansas
Noteyn
- Ta'n Reeriaght Unnaneysit jannoo ymmyd jeh "UK" ayns ynnyd "GB"
Imraaghyn
Jeeagh er neesht
Kianglaghyn çheumooie
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
