She ben-aghteyr, ben aitt, screeudeyr, gienteyder, as stiureyder Americaanagh ee Vera Mindy Chokalingam[1] (ruggit er 24 Mean Souree 1979),[1][2] ta goll er enney 'sy cheird myr Mindy Kaling.[3] Hooar ee enney da'n chied cheayrt myr Kelly Kapoor 'sy sitcom The Office (2005–2013) liorish NBC, raad v'ee ny screeudeyr, ard-ghienteyder, as stiureyder chammah.[4] V'ee enmyssit son Aundyr Primetime Emmy son Screeudeys Ard-yindyssagh ayns Straih Aittys as queig keayrt son Straih Aittys Ard-yindyssagh.
Mindy Kaling | |
---|---|
![]() Kaling ayns 2020 | |
Ennym ruggyree | Vera Mindy Chokalingam |
Ruggit |
24 Mean Souree 1979 (45 bleeaney d'eash) Cambridge, Massachusetts, SUA |
Ynnyd beaghee |
Cambridge (en) ![]() West Hollywood (en) ![]() Brooklyn (mul) ![]() Boston |
Ashoonaght | Americaanagh |
Seyraanaght | Steatyn Unnaneysit America |
Çhengey | Baarle |
Keird | aghteyr · scaa-screeudeyr · dooinney aitt · aghteyr çhellveeish · aghteyr scannane · aghteyr goo · ard-ghienteyder · gienteyder çhellveeish · stiureyder scannane |
Ynsagh |
Buckingham Browne & Nichols School (en) ![]() Dartmouth College (en) ![]() (1997 – 2001) bachelor's degree (en) ![]() |
Credjue | Hindughys |
Aundyryn |
slane rolley
|
Kianglaghyn fysseree as sheshoil | |
IMDb | nm1411676 |
Discogs ID | 983810 |
mindykaling | |
X | mindykaling |
Hooar Kaling arrey ny s'lhea son crooaaght, gientyn as cloie 'sy straih aittys The Mindy Project (2012-2017) liorish Fox. Ren ee croo y sitcom NBC Champions (2018), as ren ee cloie ayns queig episode jeh'n vynstraih Four Weddings and a Funeral (2019) liorish Hulu, y straih drama aittys Never Have I Ever (2020–jiu) liorish Netflix, as y straih drama aittys The Sex Lives of College Girls (2021–jiu) liorish HBO Max.[5]
Ta coorse scannaneaght Kaling goaill stiagh obbyr goo ayns Despicable Me (2010), Wreck-It Ralph (2012), as Inside Out (2015). Va paartyn eck chammah ayns scannaneyn lheid as The 40-Year-Old Virgin (2005), No Strings Attached (2011), The Five-Year Engagement (2012), The Night Before (2015), A Wrinkle in Time as Ocean's 8 (y daa jeu ayns 2018), as Late Night (2019), y fer jerrinagh v'er ny screeu as ny ghientyn eck. Ren e lioaryn cooinaghtyn, Is Everyone Hanging Out Without Me? (And Other Concerns) (2011) as Why Not Me? (2015), roshtyn rolley The New York Times Best Seller.[6]