Lus lussagh
From Wikipedia, the free encyclopedia
Ta lus lussagh ny lus gyn sheer-ghass fuyghagh erskyn thallooin. Ta ny duillagyn as gish erskyn thallooin eck fioghey ec jerrey'n imbagh aase.[1] Ta lossreeyn lussagh sheer-vio, bleinoil as daa-vleinoil ayn.[2] Ta lossreeyn lussagh bleinoil geddyn baase erreish daue ymmyrkey mess, ny ec jerrey'n imbagh, as gaase reesht jeh'n rass oc.[3] Ta gish lossreeyn lussagh daa-vleinoil ny sheer-vio fioghey, agh ta oltyn elley tannaghtyn bio, myr sampleyr fraueyn, cormaneyn, sthollaneyn ny raisoamyn. Ta daa-vleintagyn lussagh goaill stiagh carradje, cushag, as pesmad; ta lossreeyn sheer-vio goaill stiagh lus ny keylley, ymmodee renniee as mynthey. Ta gish fuyghagh lossreeyn sheer-vio neulussagh tannaghtyn bio erskyn thallooin car ny bleeaney as cur magh stholeyn 'syn imbagh aase; t'adsyn goaill stiagh biljyn as crouwyn.