![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/0/05/StraitOfMagellan.jpg/640px-StraitOfMagellan.jpg&w=640&q=50)
Keyllys Magellan
keyllys yn-shiaulley mooiragh 'sy Çhillee ta kiangley yn Keayn Sheear rish y Cheayn Sheealtagh / From Wikipedia, the free encyclopedia
Ta Keyllys Magellan (Spaainish: Estrecho de Magallanes), ny Keyllyssyn Magellan chammah, ny vollagh marrey yn-shiaulley ayns jiass y Çhillee as t'eh scarrey mooar-heer America Yiass 'sy twoaie voish Tierra del Fuego 'sy jiass. Ta'n keyllys coontit myr y bollagh najooragh smoo scanshoil eddyr y Cheayn Sheear as y Cheayn Sheealtagh. Ren sleih bun-dooghyssagh finneigagh, goaill stiagh ny Kawésqar, shiaulley yn keyllys harrish thousaneyn dy vleeantyn. Ta'n keyllys mysh 570 km (310 mi fa; 350 mi) er lhiurid as 2 km (1.1 mi fa; 1.2 mi) er lheead ec y voayl s'keyley. Ayns 1520, haink turrys-contoyrtys Spaainagh Ferdinand Magellan dy ve ny chied Oarpagh çheet er y cheyllys as ta'n keyllys enmyssit ass.
![Thumb image](http://upload.wikimedia.org/wikipedia/commons/thumb/0/05/StraitOfMagellan.jpg/640px-StraitOfMagellan.jpg)
![Thumb image](http://upload.wikimedia.org/wikipedia/commons/thumb/a/ab/Chile.estrechodemagallanes.png/640px-Chile.estrechodemagallanes.png)
She Estrecho de Todos los Santos ("Keyllys Chooilley Noo") va'n ennym bunneydagh v'ec Magellan da'n keyllys. Cheaghil Ree yn Spaainey, yn Impir Çhalse V, gialdyner argid Magellan-Elcano, yn ennym da Keyllys Magellan ayns onnor Magellan.[1]
S'dooillee yn bollagh y hiaulley kyndagh rish ny keyllyssyn trick as ny geayaghyn as strooghyn neu-aaishnagh. S'eginagh y stiureydys marrey. Ta'n keyllys ny s'girrey as ny s'fastee na Bollagh Drake, y bollagh marrey foshlit sterrymagh ta goll mygeayrt Meayll y Chayrn ta cochruinnit lesh gaalyn as cruink rioee.[2] Cur liorish Ammyr Beagle, she Keyllys Magellan va nane jeh kuse veg jeh bollee varrey eddyr y Cheayn Sheear as y Cheayn Sheealtagh roish troggalys Ammyr y Phanamaa.