aghteyr Sostynagh From Wikipedia, the free encyclopedia
She aghteyr Sostynagh eh yn Reejerey Ian Murray McKellen CH CBE (ruggit er 25 Boaldyn 1939). Ta'n coorse bea echey goll cha foddey sheear as shey jeihaghtyn, as ta enney mie echey er son e phaartyn er y scaailan as er yn ardan ayns shaanraghyn voish dramaghyn Shakespeare as y theater noa-emshiragh dys fansee cadjin as far-skeealaght heanse. T'eh coontit myr jallooag chultooragh Ghoaldagh as v'eh jeant ny reejerey liorish y Venrein Ealisaid II ayns 1991.[1][2] T'eh er ny gheddyn ram accolaidyn, goaill stiagh Aundyr Tony, shey Aundyryn Olivier, as Aundyr Golden Globe mastey enmyssaghtyn da daa Aundyr Academy, queig Aundyryn BAFTA as queig Aundyryn Emmy.
| Ian McKellen | |
|---|---|
 | |
| Ennym ruggyree | Ian Murray McKellen |
| Ruggit |
25 Boaldyn 1939 (85 bleeaney d'eash) Burnley, Lancashire, Sostyn |
| Ynnyd beaghee |
Wigan Narrow Street (en)  |
| Seyraanaght |
Reeriaght Unnaneysit English people (en) |
| Çhengey | Baarle |
| Keird | aghteyr goo · aghteyr ardan · aghteyr fillym · aghteyr · aghteyr çhellveeish · scaa-screeudeyr |
| Bleeantyn obbree | 1958–jiu |
| Shaanrey | aittys Shakespeare |
| Ynsagh |
St Catharine's College, Cambridge (en) Bolton School (en) |
| Leggad |
Sean Mathias (en) |
| Olteynys boayrd | Academee Ellynyn as Oaylleeaght America |
| Credjue | anjeeys |
| Aundyryn |
slane rolley
|
| Kianglaghyn fysseree as sheshoil | |
| IMDb | nm0005212 |
| Discogs ID | 612221 |
| ianmckellen | |
| X | IanMcKellen |
| mckellen.com | |
Hie McKellen magh cloie er yn ardan da'n chied cheayrt ayns 1961 ec y Belgrade Theatre myr oltey jeh'n stoyr-cholught oc. Ayns 1965, chloie McKellen er y West End da'n chied cheayrt. Ayns 1969, hooar eh cuirrey voish y Prospect Theatre Company dy chloie ard-phaartyn ayns Richard II liorish Shakespeare as Edward II liorish Christopher Marlowe. Ayns ny 1970yn, haink er McKellen dy ve ny oltey tramylt jeh'n Royal Shakespeare Company as Theater Ashoonagh y Vretyn Vooar. T'eh er ny chosney queig Aundyryn Olivier er son e phaartyn ayns Pillars of the Community (1977), The Alchemist (1978), Bent (1979), Wild Honey (1984), as Richard III (1995).
Chloie eh da'n chied cheayrt er Broadway ayns The Promise (1965). Ny s'anmey, hooar eh Aundyr Tony son yn Aghteyr Share ayns Cloie er son e phaart myr Antonio Salieri ayns Amadeus (1980). Chammah's shen, hooar eh enmyssaght er son Ian McKellen: Acting Shakespeare (1984). Haink eh er ash dys Broadway ayns Wild Honey (1986), Dance of Death (1990), No Man's Land (2013), as Waiting for Godot (2013), y fer jerrinagh ny cho-ghientyn marish Patrick Stewart.[3]
Hooar McKellen ard-ghoo eddy-ashoonagh er son e phaartyn 'sy scannaneaght, goaill stiagh y Ree ennymagh ayns Richard III (1995), James Whale ayns Gods and Monsters (1998), Magneto 'sy straih scannane X-Men, as Gandalf ayns The Lord of the Rings (2001-2003) as The Hobbit (2012-2014). Ta ny paartyn mooarey elley echey goaill stiagh paartyn ayns A Touch of Love (1969), Plenty (1985), Six Degrees of Separation (1993), Restoration (1995), Mr. Holmes (2015), as The Good Liar (2019).
Haink eh magh myr peiagh aeragh ayns 1988, as voish shen t'eh er ny hassoo er son gleashaghtyn sheshoil LADT er feie ny Cruinney. Va Seyrsnys Chaayr Lunnin bronnit er ayns Mee Yerrey Fouyir 2014.[4] She co-vunneyder Stonewall t'eh, possan faghtys ry-hoi cairyn LADT 'sy Reeriaght Unnaneysit, ta enmyssit ass rouanyn Stonewall. Chammah's shen, she patroon LGBT History Month, Pride London, Oxford Pride, GAY-GLOS, LGBT Foundation as FFLAG t'eh.[5]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
_rib.PNG){kind=small}
.svg){kind=small}
