From Wikipedia, the free encyclopedia
She fallsoonagh jeh bun Cossackagh Ookraanagh va Hryhorii Skovoroda, ta goll er enney chammah myr Gregory Skovoroda ny Grigory Skovoroda (Ladjyn: Gregorius Scovoroda; Ookraanish: Григорій Савич Сковорода, Hryhorii Savych Skovoroda; Rooshish: Григо́рий Са́ввич Сковорода́, Grigory Savvich Skovoroda; 3 Nollick 1722 – 9 Sauin 1794). Ren eh beaghey as obbraghey ayns Impiraght y Roosh. She feelee, ynseyder as cummeyder y chiaull liturgagh v'eh. Ta'n cleaney as y chummaght echey er e cho-emshiree as er ny sheelogheyn haink ny yei coontit dy Socratagh, as dy mennick v'eh enmyssit "Socrates".[1][2] Chur obbyr Skovoroda rish eiraght chultooragh yn Ookraan as y Roosh noa-emshiragh.[3][4][5][6]
Hryhorii Skovoroda | |
---|---|
![]() | |
Ennym ruggyree | Григорій Сковорода |
Ruggit |
22 Mee Houney 1722 (ayns feaillere Yool), 3 Mee ny Nollick 1722 Chernukhi, Rejiment Lubny, y Hetmanaght Chossackagh/Kiannoortys Kyiv, Impiraght y Roosh (yn Ookraan jiu) |
Hooar baase |
9 Mee Houney 1794 Ivanovka, Kiannoortys Kharkiv, Impiraght y Roosh |
Boayl oanluckee |
Skovorodynivka (en) ![]() |
Çhengey |
Ladjyn · Rooshish · Old East Slavic (en) ![]() |
Keird | fallsoonagh · screeudeyr · cummeyder · feelee · çhyndaader |
Shaanrey | traghtys · far-skeeal |
Ynsagh |
Kyiv-Mohyla Academy (en) ![]() |
Screeu Skovoroda e heksyn ayns mestey tree çhengaghyn: y Clavish Agglishagh, yn Ookraanish, as y Rooshish, lesh kuse vooar d'abbyrtyn as focklyn voish yn Oarpey Heear as aaraaghyn 'sy Ladjyn as 'sy Ghreagish. Va'n chooid smoo jeh ny lettyryn foast er mayrn echey screeuit 'sy Ladjyn ny 'sy Ghreagish, agh ghow eh ymmyd jeh'n Rooshish Ynsit va ymmydit ayns Slobozhanshchyna ec y traa shen, eiyrtys er y Rooshaghey foddey v'ayn agh lesh ram abbyrtyn as focklyn Ookraanagh ayn chammah.
Va Skovoroda ynsit ec Collegium Mohileanum ayns Kiev (Kyiv 'syn Ookraan jiu). As cummaghtyn seihlltagh as spyrrydoil er ny lhiantyn, ren y fallsoonagh beaghey myr smooineyder-jeirkagh troailtagh. Ayns e hraaghtyn as cohagglooyn, ta feyshtyn biblagh lhie harrish y cheilley rish adsyn v'er ny scrutaghey hannah liorish Plato as ny Stoee. Va'n chied lioar liorish Skovoroda currit magh lurg e vaaish ayns 1798 ayns Caayr Pheddyr as va'n slane çhaglym soilshit magh ayns Caayr Pheddyr da'n chied cheayrt ayns 1861. Roish shen, cha row yn chooid smoo jeh ny h-obbraghyn echey ry-gheddyn agh ayns cummey laue-screeuyn.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.