From Wikipedia, the free encyclopedia
She ard er coose heear yn Araab Saudi eh Hejaz (Arabish: ٱلْحِجَاز, 'y Cagliagh'). T'eh coodaghey yn chooid smoo jeh'n choose heear as t'eh goaill stiagh ny baljyn Mecca, Medina, Jeddah, Tabuk, Yanbu, Taif as Baljurashi. T'eh enmyssit y "Queiggey Heear",[1] as t'eh caglit 'sy neear liorish y Vooir Ruy, 'sy twoaie liorish y Jordaan, 'sy niar liorish Najd, as 'sy jiass liorish Ard 'Asir.[2] She Jeddah yn balley smoo ayn, y nah valley smoo 'syn Araab Saudi, as she Mecca as Medina y kiarroo as y queiggoo balley smoo 'sy çheer.[3]
Hejaz ٱلْحِجَاز Al-Ḥijāz |
|
---|---|
— Ard — | |
![]() |
|
![]() |
|
Co-ordnaidyn: 23°N 40°E | |
Çheer | ![]() |
Ardjyn | Al-Bahah, Mecca, Medina, Tabuk |
She soiaghey ny baljyn casherick Mecca[4] as Medina[5][6][7] t'ayn, y chied as y nah voayl smoo casherick 'syn Islam. Kyndagh rish shen, s'mooar yn scansh t'ec Hejaz ayns shennaghys as politickaght Arabo-Islamagh. She Hejaz yn ard smoo cummaltit 'syn Araab Saudi,[8] as she yn Arabish y çhengey smoo loayrit ayn, myr t'ayns y chooid elley jeh'n Araab Saudi, as she Arabish Hejaz yn abbyrt smoo loayrit ayn. Ta fir jeh pobble Hejaz jeh sluight bun kynneeagh anchasley,[3] agh ta'n chooid smoo jeu jeh bun Arabagh.[9]
Rere tradishoon yn Islam, she boayl ruggyree yn 'adeyr Islamagh Mahommad t'ayn, va ruggit ayns Mecca. Dy h-ynnydoil, t'eh smooinit dy nee Abraham, Ishmael, as Hagar, shennayryn Mahommad, bunneyderyn Mecca.[10][11] Haink yn ard dy ve ny chooid jeh'n impiraght echey car ny barriaghtyn Moslymagh leah, as v'eh ny ayrn jeh kaylifaghtyn eiyrtyssagh, goaill toshiaght rish Kaylifaght Rashidun, lesh Kaylifaght Umayyad, as goaill jerrey rish Kaylifaght Abbasid. Dreill yn Impiraght Ottomanagh lieh-reirey harrish yn ard; lurg hie eh er ny scryssey, dirree Reeriaght Hejaz magh feie tammylt giare ayns 1925 roish my row eh goit liorish Sultanaght Nejd, red chroo Reeriaght Hejaz as Nejd.[12] Ayns Mean Fouyir 1932, ren Reeriaght Hejaz as Nejd unnaneysey rish ny çhiarnyssyn Saudi Al-Hasa as Qatif, red chroo Reeriaght unnaneysit yn Araab Saudi.[13][14]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.