![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/8/8e/Hayden_Panettiere_2009.jpg/640px-Hayden_Panettiere_2009.jpg&w=640&q=50)
Hayden Panettiere
ben-aghteyr, craishteyder, as arraneyder Americaanagh / From Wikipedia, the free encyclopedia
She ben-aghteyr, craishteyder, as arraneyder Americaanagh ee Hayden Lesley Panettiere (ruggit er 21 Luanistyn 1989).[3] Ta enney share urree son e paart myr Claire Bennet 'sy straih far-feniagh Heroes liorish NBC (2006–2010) as myr Juliette Barnes 'sy straih drama chiaullee Nashville (2012–2018) liorish ABC/CMT, raad chossyn ee daa enmyssaght son Aundyr Golden Globe son y Ven-aghteyr Share - Straih, Myn-straih ny Scannane Çhellveeish.[4] Chammah's shen, t'ee cloie Kirby Reed 'sy straih scannane fanntagh Scream liorish Wes Craven.
Hayden Panettiere | |
---|---|
![]() Panettiere ayns 2009 | |
Ennym ruggyree | Hayden Lesley Panettiere[1] |
Ruggit |
21 Luanistyn 1989 (34 bleeaney d'eash) Palisades, York Noa, ny Steatyn Unnaneysit[2] |
Seyraanaght | Steatyn Unnaneysit America |
Çhengey | Baarle |
Keird | arraneyder · aghteyr goo · kiaulleyder · aghteyr ardan · aghteyr scannane · aghteyr çhellveeish · craishteyder · screeudeyr arrane · aghteyr |
Bleeantyn obbree | 1993–jiu |
Greieyn | goo |
Lipaidyn | Hollywood Records |
Ynsagh |
Tappan Zee High School (en) ![]() Laurel Springs School (en) ![]() |
Leggad |
Milo Ventimiglia (en) ![]() Wladimir Klitschko (en) ![]() Scotty McKnight (en) ![]() |
Braaraghyn as shuyraghyn | |
Aundyryn |
slane rolley
|
Kianglaghyn fysseree as sheshoil | |
IMDb | nm0659363 |
Discogs ID | 314909 |
Models.com | hayden-panettiere |
haydenpanettiere | |
X | haydenpanettier |
hayden-panettiere.com |
Hie ee magh er y scaailan ayns 1990 tra nagh row ee agh 11 vee d'eash. Cha jagh ee magh er y scaailan reesht derrey 1994 tra chloie ee Sarah Roberts er y straih heabin One Life to Live liorish ABC voish y vlein shen derrey 1997. Hie ee er oaie cloie Lizzie Spaulding 'sy straih heabin Guiding Light liorish CBS voish 1996 derrey 2000. Ta Panettiere er ny chloie 'sy scannane drama bluckan coshey Remember the Titans (2000) liorish Disney, 'sy straih yerrinagh jeh'n straih drama aittys leighoil Ally McBeal (2002) liorish Fox, 'sy scannane drama aittys Raising Helen (2004), 'sy scannane çheer-ghraihagh Tiger Cruise (2004) liorish y Disney Channel, 'sy scannane aittys ratçhal cabbil Racing Stripes (2005), 'sy scannane drama skyrraghtyn figgyr Ice Princess (2005), 'sy scannane aittys romansagh I Love You, Beth Cooper (2009), 'sy scannane drama kimmeeys firrinagh Amanda Knox: Murder on Trial in Italy (2011), as 'sy scannane drama Custody (2016). Chur ee e goo rish ny karacteyryn Kairi as Xion 'sy straih ghamman Kingdom Hearts (2002–2017) as Samantha "Sam" Giddings 'sy ghamman-feeshan Until Dawn (2015).