kiaulleyder Americaanagh (1949–2020) From Wikipedia, the free encyclopedia
She arraneyder as screeudeyr arrane Americaanagh va Eric Taylor (25 Mean Fouyir 1949 – 9 Mayrnt 2020).[1] V'eh mie er enney er son e vod skeealaght, mestey focklyn loayrit rish arraneyn skeealagh son cloie jeh'n torçh theateragh y chroo. Goll rish e nuy skeaylaghyn magh liorish hene, ta arraneyn Taylor er ny ve recortyssit liorish Nanci Griffith, Lyle Lovett, Peter Cooper, as sleih elley.[2]
Eric Taylor | |
---|---|
![]() Taylor ayns 2009 | |
Ruggit |
25 Mean Fouyir 1949 Atlanta, yn Çhorshey, SUA |
Hooar baase |
9 Mart 2020 (70 bleeaney d'eash) Austin, Texas, SUA |
Seyraanaght | Steatyn Unnaneysit America |
Çhengey | Baarle |
Keird | arraneyder · arraneyder as screeudeyr |
Shaanrey |
Americana (en) ![]() |
Greieyn | goo |
Lipaidyn |
MNRK Music Group (en) ![]() |
Kianglaghyn fysseree as sheshoil | |
Discogs ID | 475997 |
bluerubymusic.com |
Va Taylor ruggit ayns Atlanta, yn Çhorshey. Hoshee eh cloie yn gitar tra v'eh ny phaitçhey as chloie eh ayns bann kiaull anmey 'syn ard-scoill echey. Ren eh frastyl er Ollooscoill Georgetown rish tammylt veg rish dimmee eh magh as darree eh dys Houston er son coorse bea y lhiantyn 'sy chiaull.[3]
Hie Taylor er turrysyn ayns ny Steatyn Unnaneysit as 'syn Oarpey dy lheeadagh, cloie ayns ynnydyn lheid as Club Passim, The Bottom Line, Caffe Lena, Bluebird Café, Red Clay Theatre, Bridger Folk, The Ark, CSPS, The Freight and Salvage, Paradiso (Amsterdam), Theatre Kikker (Utrecht), Berlin Guitars (Berleen), The Real Music Club (Beeal Feirshtey), DC Music Club (Divlyn), Hotel du Nord (Paarys) as The Bein Inn (Peairt). Ta e chloiaghyn feailley goaill stiagh Kerrville Folk Festival, Newport Folk Festival, Glasgow Americana Festival (Nalbin), Woody Guthrie Folk Festival, 1st Americana Fest (yn Austeyr), Take Root Festival (y Çheer Injil), as Roots of Heaven Festival (y Çheer Injil). Ren eh ynsaghey ec Scoill Arrane Kerrville, as stiur eh seyrlannyn screeu arrane er feie ny Steatyn Unnaneysit as 'syn Oarpey. Va Taylor poost rish yn arraneyder as y screeudeyr arrane Nanci Griffith voish 1976 derrey 1982.[4]
Ayns 2009, skeayll Lyle Lovett Natural Forces magh, e nah albym jeh arraneyn coodit, as reesht ren eh cummal stiagh arrane Taylor. She "Whooping Crane" va'n arrane shen voish yn albym hene-enmyssit voish y vlein 1995.[5] Ta albym 2012 Lovett - Release Me - goaill stiagh arrane Taylor "Understand You."
V'eh Studio 10 ayns 2013 skeaylley magh jerrinagh Taylor. V'eh recortyssit ec y teyrlann Red Shack Studio ayns Houston as t'eh goaill stiagh nuy arrane bunneydagh as coodagh yn arrane "Cover These Bones" liorish Tim Grimm.[6] Ayns 2016, va Taylor enmyssit er son Aundyr Emmy da Cummey Kiaullee er son ny h-arraneyn va screeuit echey da'n fillym feanishagh Road Kid to Writer: The Tracks of Jim Tully liorish Storyworks.
Hooar Taylor baase er 9 Mayrnt 2020 voish y çhingys aarley as eh 70 bleeaney d'eash.[3][7]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.