Ellanragh Chonos
ellanragh 'sy Çhillee / From Wikipedia, the free encyclopedia
She straih jeh ellanyn lhiurit, sleitoil, injil lesh baiaghyn dowin eh Ellanragh Chonos (Spaainish: Archipiélago de Chonos). She remlad baiht jeh Reayn Slystagh y Çhillee t'ayn. Ta'n chooid smoo jeh ny h-ellanyn coodit liorish keylljyn gyn mooarane deiney. Ta Ammyr Moraleda scarrey ellanyn yn ellanragh veih çheer vooar y Çhillee as veih Ellan Magdalena.
T'ad Ellan Melchor, Ellan Benjamin, Ellan Traiguén, Ellan Riveros, Ellan Cuptana, Ellan James, Ellan Victoria, Ellan Simpson, Ellan Level, as Ellan Luz ny h-ellanyn smoo.
Foddey magh 'sy Cheayn Sheealtagh ta Ellan Guamblin soit lesh Pairk Ashoonagh Isla Guamblin. Ta'n phairk ashoonagh coodaghey mysh 106 km². Dy mennick, ta meeylyn mooarey gorrymey ry-akin ayn.
Ta possanyn d'ellanyn currit stiagh ayns myn-ellanree, lheid as Ellanragh Guaitecas. Ta baljaght er lheh ec Ellanragh Guaitecas as ta'n ynrican balley 'syn ellanragh, Melinka, soit ayn. Ta dagh ellan coontit myr ayrn jeh Ard Aysén.
Va Ellanragh Chonos currit sheese er kaartyn car y 18oo as y 19oo eash liorish José de Moraleda y Montero (1793), Robert FitzRoy (1834), as Enrique Simpson (1870–71).[1][2]
Ta'n chooid smoo jeh'n ellanragh coodit liorish keylljyn Pilgerodendron lesh lussyn clooishag lheid as Astelia pumila, Donatia fascicularis as Oreobolus obtusangulus.[3] S'rassanagh yn oirr heear jeh'n ellanragh, as ny rassyn mysh 2 veadar er yrjid, lheid as Pilgerondendron as Nothofagus nitida. Mastey yn thalloo rassanagh shoh, foddee shiu çheet er moaneeyn as keylljyn.[4]