Edward James Olmos
aghteyr Americaanagh / From Wikipedia, the free encyclopedia
She aghteyr, stiureyder, gienteyder, as sheerloayreyder Americaanagh eh Edward James Olmos (ruggit er 24 Toshiaght Arree 1947).[2] Ta enney share er son e phaartyn myr Lieutenant Martin "Marty" Castillo ayns Miami Vice (1984–1989), myr aghteyr as stiureyder ayns American Me (1992), myr William Adama ayns Battlestar Galactica (2004–2009), myr yn ynseyder Jaime Escalante ayns Stand and Deliver (1988), raad hooar eh enmyssagh son Aundyr Academy, as myr y Chronneyder Gaff ayns Blade Runner (1982) as e scannane eiyrtyssagh Blade Runner 2049 (2017). Voish 2018 derrey 2022, t'eh er ny chloie ayr daa oltey jeh club roar-bree jeebyrtagh 'sy straih Mayans MC liorish FX
Edward James Olmos | |
---|---|
Olmos ec y San Diego Comic-Con, 2018 | |
Ennym ruggyree | Edward Huizar Olmos[1] |
Ruggit |
24 Toshiaght Arree 1947 (77 bleeaney d'eash) East Los Angeles, California, SUA |
Ynnyd beaghee | Los Angeles |
Seyraanaght |
Steatyn Unnaneysit America Meksico |
Çhengey | Baarle |
Keird | aghteyr · stiureyder scannane · aghteyr scannane · aghteyr çhellveeish · stiureyder · gienteyder scannane |
Bleeantyn obbree | 1974–jiu |
Ynsagh |
California State University, Sacramento (en) Montebello High School (en) California State University, Los Angeles (en) East Los Angeles College (en) |
Sheshey |
Kaija Keel (en) (1971 - 1992) Lorraine Bracco (1994 - 2002) Lymari Nadal (en) (2002 - |
Aundyryn |
slane rolley
|
Kianglaghyn fysseree as sheshoil | |
IMDb | nm0001579 |
edwardjamesolmos.com |
Chossyn Olmos Aundyr Primetime Emmy son yn Aghteyr Co-hassooagh Ard-yindyssagh ayns Straih Drama ayns 1985 son e chloie ayns Miami Vice, myrane lesh Aundyr Golden Globe son yn Aghteyr Co-hassooagh Share - Straih, Myn-straih ny Scannane Çhellveeish. V'eh enmyssit son Aundyr Golden Globe as Aundyr Academy son yn Aghteyr Share ayns Paart Toshee son e chloei ayns Stand and Deliver.
Ta enney mie er chammah son e phaartyn myr Abraham Quintanilla 'sy scannane Selena, myr yn insheyder El Pachuco ayns ny lhiegganyn ardan as scannane jeh Zoot Suit, as myr goo Chicharrón ayns Coco.
Harrish e choorse bea, ta Olmos er ny ghreesey er son paartyn anchasley as soyllaghyn Spaainagh 'syn ym-ysseraght Americaanagh. Ta e stiurey, e ghientyn, as e chloie ayns scannaneyn as er y çhellveeish goaill stiagh Wolfen, Triumph of the Spirit, Talent for the Game, American Me, The Burning Season, My Family/Mi Familia, Caught, 12 Angry Men, The Disappearance of Garcia Lorca, Walkout, The Wonderful Ice Cream Suit, American Family, as Dexter.