aghteyr, stiureyder, as gienteyder Americaanagh From Wikipedia, the free encyclopedia
She aghteyr, stiureyder, as gienteyder fillym Americaanagh eh Denzel Hayes Washington Jr. (ruggit er 28 Nollick 1954). Ta enney mie er son y chloiaghyn er yn ardan as er y scaailan as t'eh er chur sheese er aghteyr ren aachummey "smooinaght y rolteenys scannaneagh classicagh".[1] T'eh mie er enney chammah son e co-obbraghyn marish ny stiureyderyn Spike Lee, Antoine Fuqua, as Tony Scott. Harrish e choorse bea t'er gholl harrish kiare jeihaghtyn, ta Washington er ny gheddyn ram accolaidyn, goaill stiagh Aundyr Tony, daa Aundyr Academy, tree Aundyryn Golden Globe as daa Silver Bears.[2] Ayns 2016, hooar eh Aundyr Golden Globe Cecil B. DeMille, as ayns 2020, ren The New York Times enmyssey eh myr yn aghteyr share jeh'n 21d eash.[3] Ayns 2022, hooar Washington Boyn Eaghtyraneagh y Teyrsnys as eh er ny vronney er liorish yn Eaghtyrane Joe Biden.[4]
Denzel Washington | |
---|---|
Washington ayns 2018 | |
Ennym ruggyree | Denzel Hayes Washington Jr. |
Ruggit |
28 Mee ny Nollick 1954 (69 bleeaney d'eash) Mount Vernon, York Noa, SUA |
Ynnyd beaghee | Beverly (en) |
Seyraanaght | Steatyn Unnaneysit America |
Çhengey | Baarle |
Keird | stiureyder fillym · gienteyder fillym · aghteyr fillym · loayrtagh · aghteyr ardan · aghteyr çhellveeish · aghteyr · stiureyder · gienteyder |
Bleeantyn obbree | 1975–jiu |
Ynsagh |
Ollooscoill Fordham Bachelor of Arts (en) : earisheyraght, Baarle Mainland High School (en) Mount Vernon High School (en) Oakland Military Academy (en) Pennington-Grimes Elementary School (en) 1968) The Center for Early Education (en) |
Yrjid | 185 cm |
Sheshey | Pauletta Pearson Washington (en) (1983 – |
Paitçhyn | |
Partee politickagh | Partee Pobblaghtagh California |
Olteynys boayrd | Academee Ellynyn as Oaylleeaght America |
Aundyryn |
slane rolley
|
Kianglaghyn fysseree as sheshoil | |
IMDb | nm0000243 |
Discogs ID | 295956 |
Models.com | denzel-washington |
Hoshee Washington e choorse aghteyrys 'sy theater raad chloie eh ayns cloiaghyn goaill stiagh Coriolanus liorish William Shakespeare ayns 1979. Haink enney er da'n chied cheayrt 'sy drama lheeyssagh St. Elsewhere (1982–1988). Hie A Soldier's Story (1984) liorish Norman Jewison as Cry Freedom (1987) liorish Richard Attenborough mastey ny paartyn fillymagh leah echey. Chossyn eh e chied Aundyr Academy son e phaart myr Sidoor Shingoil Silas Trip 'sy drama caggee Glory va bunnit er Caggey Theayagh America. Car ny 1990yn, chroo eh hene myr y fer toshee ayns filmyn eigsoylagh lheid as y fillym beashnyssagh ard-skeealagh Malcolm X (1992) liorish Spike Lee, aachummey jeh cloie Shakespeare Much Ado About Nothing (1993) liorish Kenneth Branagh, y fillym creauagh leighoil The Pelican Brief (1993) liorish Alan J. Pakula, y drama Philadelphia (1993) liorish Jonathan Demme, as y drama leighoil The Hurricane (1999) liorish Norman Jewison. Chossyn Washington Aundyr Academy son yn Aghteyr Share son e phaart myr y chronneyder trullit Alonzo Harris 'sy fillym creauagh kimmeeys Training Day (2001).[5] Ta Washington er ny chloie paartyn eigsoylagh caghlaaee, goaill stiagh y greinneyder bluckan-coshey Herman Boone ayns Remember the Titans (2000), y feelee as ynseyder Melvin B. Tolson ayns The Great Debaters (2007), y bock mooar druggaghyn Frank Lucas ayns American Gangster (2007) as etleyder lhuingys aer lesh deyrsnys ayns Flight (2012).
Ayns 2010, chossyn Washington Aundyr Tony son yn Aghteyr Share ayns Cloie son e phaart 'sy chloie Fences liorish August Wilson. Ny s'anmey, ren Washington stiurey, gientyn, as cloie 'syn aachummey fillymagh jeh'n chloie shen ayns 2016, as eh er n'enmyssey son kiare Aundyryn Academy, goaill stiagh y Jalloo Share as yn Aghteyr Share son eh hene. Chammah's shen, ren eh gientyn aachummey fillymagh Ma Rainey's Black Bottom (2020) liorish Wilson. Myrane lesh shen, t'eh er chloie er yn ardan ayns A Raisin in the Sun (2014) liorish Lorraine Hansberry as The Iceman Cometh (2018) liorish Eugene O'Neill.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.