From Wikipedia, the free encyclopedia
Ayns coryssyn fysseree, she fockle ayndagh ta currit er cooid ennagh ee cowrag. T'ad gyn tosheeaght son y chooid smoo. Ta'n lipaid shoh ny metafysseree ta soilshaghey dooghys as scansh ny cooid, as cooney lhiat eh y 'eddyn reesht. T'ad scanshoil ayns çhaglymyn mooarey ta goll er ronsaghey ec ymmodee sleih. Ta cowragyn currit ec crootee ny ec ymmydeyryn. Ta cowragyn scanshoil ayns ymmodee shirveishyn Web 2.0.
Ta cowragyn cooney lesh obbraghyn lheid as rang-oardraghey, cowraghey shellooderaght, ny cowraghey enney eddyrlhieen. Ta focklyn, jallooyn, as cowraghyn elley ry-akin myr cowragyn. Va'n eie shen ayn roish co-earrooderyn, agh ta ronsaghey co-earrooagh lhiggey dhyt ymmyd aasagh as tappee jeu y yannoo.
Hoshiaght, ren soilsheyderyn ymmyd jeu dys cooney ymmydeyryn dy gheddyn cooid vennagh daue er shirveishyn eddyrlhieen. Myr sampleyr, ta'n cowrag HTML keywords lhiggey da soilsheyderyn ynnydyn-eggey soilshaghey cooid dy tappee dys cooney lesh ronsaghey. Ayns 2003, ren ynnyd-eggey lioarvark sheshoil Delicious lhiggey da ymmydeyryn cur cowrag er ny "lioarvarkyn" oc dyn veddyn reesht. Chammah's shen, chroo ad shirveishyn çhaglym cooidjagh dys soilshaghey co-lioarvarkyn ymmydeyryn. Rere yn aght shen, ren Flickr lhiggey da ymmydeyryn cowragyn er ny caslyssyn oc y chur. Ren shen eh ny sassey caslyssyn y ronsaghey.[1] Haink yn eie y ve cadjin, as ta claareyn co-earrooder elley goaill stiagh cowragyn er post-l ny coadanyn kiaull. Ta cowragyn lhiggey da ymmydeyryn rang-oardraghey cooid rere aght cooie daue hene, as rheynn ny rang-oardraghyn shen rish y cheilley.
Dy cadjin, foddee oo scrutaghey cowrag er lheh as fakin cooid ymmodee ymmydeyryn ta kianglt rish; myr shen ta ymmyd oc da ymmydeyryn elley. Ta ymmodee ynnydyn-eggey soilshaghey neeal cowragagh ta soilshaghey cowragyn rere menkid.
She rang-oardraghey "neese" t'ayn, as shen noi keimoilaght "neose". Rere rang-oardraghey keimoil, ta'n crootagh meenaghey rangyn rang-oardraghey as yn aght cooie ymmyd jeu y yannoo. Ayns corys cowragagh, foddee dagh ymmydeyr jannoo e ymmyd hene jeh ny cowragyn t'ayn, gyn smooinaghtyn er ymmyd ymmydeyryn elley, as dy mennick ta niart echey cowragyn noa y chroo. Cha nel cooid goll er cur fo rang er lheh; foddee oo cur ymmodee cowragyn urree.
Shimmey blog ta lhiggey da'n ughtar cowragyn y chroo as cur er ny postyn jeant oc. Ny keayrtyn, ta corys ronnaghyn cooilleenagh ayn myrgeddin. Ta'n cowrag ny jeean-chiangley stiurys rish duillag ayndagh, as ish soilshaghey dagh post as y cowrag shen urree. Ta niart ec yn ughtar post erbee y aarang-oardraghey liorish caghlaa ny cowragyn t'eck; cha nel feme echey ish y scughey. Ta'n cooid vog vlog freayll arrey er ny kianglaghyn t'ayn.
Ny keayrtyn, ta taghyrt ennagh reih ogher myr cowrag oikoil. T'ad greinnaghey commee ymmyd jeh y yannoo ayns cooid bentyn rish y taghyrt, myr sampleyr artyn, caslyssyn-soilshey ny postyn-blog. Ta'n chowrag shoh cooney lesh greieyn-ronsee lheid ny cooid y gheddyn dy aashagh, liorish ayndagh cohassooagh. She tasht-fockle gurnit[noa] (controlled vocabulary) t'ayn.
Ta cowrag yeshaght soilshaghey magh fys semantagh ta ry-hoiggal ec co-earrooderyn. T'adsyn goaill stiagh reamys, parameter as fys. Myr sampleyr, ta "geo:long=50.123456" ny cowrag çheeroaylleeagh da cooid bentyn rish dowan-liurid 50.123456. Haink rish y cummey shoh er geolicious ayns 2004 son dy chowraghey cooid Delicious rere ynnyd.[2] Ren ymmydeyr Dan Catt ymmyd jeh son dy chowraghey ynnyd er caslyssyn-soilshey Flickr; liorish cur cowrag "geotagged" er caslyssyn, hooar eh stroo RSS jeh dagh caslys as ny cowragyn shen er, as eisht dobbree eh orroo dys cur ad er caslys-çheerey.[3] Haink yn eie dy ve cadjin dy liooar; ren ymmydeyryn greieyn dys jannoo aashagh yn obbyr shen, as fy-yerrey hug Flickr staartey da Catt.[3][4][5] Chammah's cowragyn jeshaght ynnyd, t'ad ayn son taghyrtyn, rollageydys[6] as claareyn BBC.[7] Ta greieyn lheid as Husk jannoo aashagh eh cowragyn jeshaght y ronsaghey.[8]
Ta cowrag chleeah ny fockle as cowrey cleeah (#
) roish. Ta'n chowrag shoh soilshaghey magh cooid scanshoil teks, as lhiggey dhyt feddyn çhaghteraghtyn bentyn rish peiagh, taghyrt, bun-chooish, boayl ny cooish elley er lheh. Ta'n corys shen ry-akin er corys moggyley sheshoil dy cadjin, goaill stiagh Twitter, identi.ca, Tumblr, Instagram, Flickr, Google+ as Facebook.
Rish traa, ta co-hasht fockle çheet rish ayns coryssyn lioarvark sheshoil. Ta troyn dynamickyn corys cramp ry-akin ayns co-chur cowragyn.[9]. My ta stiurey erbee ayn er ymmydeyryn, ta scaalhean cowragyn bentyn rish cooish er lheh co-chleayney rish scaalheean fo leigh chummaght.[9] Foddee oo scrutaghey co-cheintys ny cowragyn t'ayn dys feddyn tasht-fockle neuchramp.
Ta coryssyn cowrag surranse spammal, as sleih cur rouyr cowragyn er red ennagh, ny cowragyn nagh vel bentyn rish dy firrinagh, dys cleayney eaishtaght. Dy lhiettal shen, ta sleih ny algorithmyn scrutaghey cowragyn ny keayrtyn dys feddyn lheid ny cooishyn.[10] Ta lhiettal towse cowragyn er cooid er lheh cooney lesh shen, agh t'eh lhiettal ymmydeyryn myrgeddin.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.