jeesaid kiaullee Americaanagh From Wikipedia, the free encyclopedia
She jeesaid arraneagh as greienagh Americaanagh va ny Carpenters.[lower-alpha 1] Va'n jeesaid jeant ass y çhuyr as y braar Karen (1950–1983) as Richard Carpenter (ruggit 1946). Chur ad magh aght kiaullee bog er lheh, mestey goo crontralt Karen marish co-vingyssey, reaghey, as cummey Richard. Car coorse 14 bleeaney, ren ny Carpenters recortyssey 10 albymyn cur liorish ram singylyn as shiartanse dy chlaareeyn çhellveeish er lheh.
Carpenters | |
---|---|
Karen as Richard Carpenter ayns 1974 | |
Enmyn elley | The Carpenters |
Bunneydys | Downey, California, ny Steatyn Unnaneysit |
Shaanraghyn | pop-chiaull · craa-chiaull · kiaull cho-emshiragh son deiney aasit · rea-chiaull |
Bleeantyn_obbree | 1965–1983 |
Lipaidyn | A&M Records |
Aa-olteynyn |
|
Ynnyd-eggey | richardandkarencarpenter.com |
Va'n piyr jeu ruggit ayns New Haven, Connecticut, as darree ad dys Downey, California, ayns 1963. Ren Richard studeyrys er y phianney myr paitçhey, as hie eh dys Ollooscoill Steat California, Long Beach, choud's ren Karen studeyrys er ny drummaghyn. Chloie ad ry-cheilley da'n chied cheayrt myr jeesaid ayns 1965 as chroo ad y possan snag-chiaullee Richard Carpenter Trio marish Wesley Jacobs. Lurg shen, ren ad croo y bann Spectrum. Lurg shen, ren y piyr jeu fo-screeu myr ny Carpenters rish A&M Records ayns 1969. Y chied vlein ny yei, va'n rah oc lesh ny h-ard-hingylyn "(They Long to Be) Close to You" as "We've Only Just Begun". Ren sorçh pop-chiaull y jeesaid cur rish straih dy h-ard-recortyssyn er ny kaartyn American Top 40 as Adult Contemporary, as haink ad dy ve nyn ard-chreckeyderyn ayns ny shaanraghyn craa-chiaull vog, rea-chiaull, as kiaull cho-emshiragh da deiney aasit. Chossyn y piyr tree singylyn ec earroo nane as queig singylyn ec earroo jees er y Billboard Hot 100 as 15 singylyn ec earroo nane er y chaart Adult Contemporary, cur liorish 12 hingyl mastey ny 10 singylyn s'yrjey.
Hie yn jeesaid er turryssyn feie ny 1970yn, chur stroos mooar er y phiyr; hie Richard magh er brishey un vlein ayns 1979 lurg haink eh dy ve cleaynit da Quaalude, choud's va Karen streeu noi anorexia nervosa. Haink jerrey rish nyn go-choorse ayns 1983 tra hooar Karen baase veih failleilys cree kyndagh rish shagh-ghorlaghyn bentyn rish anorexia. Chur e baase dy mooar rish naight lheeadagh as ronsaghey ayns çhingyssyn ee. Ta'n chiaull oc foast geddyn moylley cremeydagh as rah traghtee as ta ny smoo na keead millioon dy recortyssyn er feie ny cruinney er ny chreck oc.
Skeayllaghyn lurg baase
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.