y chied tarlheim er yn Eayst as y queiggoo mishoon lesh skimmee 'sy chlaare Americaanagh Apollo From Wikipedia, the free encyclopedia
She Apollo 11 (16–24 Jerrey Souree 1969) va etlagh spoar Americaanagh chur deiney er yn Eayst da'n chied cheayrt. Ren yn Anneyder Neil Armstrong as Stiureyder y Voddyl Eaystagh Buzz Aldrin tarlheim y Moddyl Eaystagh Apollo Eagle er 20 Jerrey Souree 1969, ec 20:17 UTC, as haink Armstrong dy ve ny chied dooinney cass y chur er eaghtyr yn Eayst shey ooryn as 39 minnidyn ny s'anmey, er 21 Jerrey Souree 02:56 UTC. Haink Aldrin magh as chur eh e chassyn hene er yn Eayst 19 minnidyn ny s'anmey, as cheau ad mysh daa oor dy lieh lesh y cheilley ronsaghey yn ynnyd denmys ad Tranquility Base tra ren ad tarlheimmey. Haggil Armstrong as Aldrin 47.5 puint (21.5 kg) dy stoo eayst dy chur lioroo er-ash dys y Dowan tra stiur Michael Collins y Moddyl Annee Columbia ayns cruinlagh eayst, as v'ad er eaghtyr yn Eayst feie 21 oor as 36 minnidyn roish my ren ad launshey voish yn eaghtyr dy aachiangley rish Columbia.
Va Apollo 11 launshit liorish roggad Saturn V voish Kennedy Space Center er Merritt Island, Florida, er 16 Jerrey Souree ec 13:32 UTC, as v'eh ny wheiggoo mishoon ayns claare Apollo lesh NASA. Va'n saagh spoar jeant ass tree ayrnyn: y moddyl annee (MO) lesh cabbane da'n troor rollageyder, yn ynrican ayrn ren filley er-ash dys y Dowan; y moddyl shirveish (MS), chum seose y moddyl annee lesh seiy, bree lectragh, ocsygien, as ushtey; as y moddyl eaystagh (ME) va jeant ass daa cheim — keim tarlheim son dy harlheimmey er yn Eayst as keim irree son dy chur ny shiaulteyryn rollageagh er-ash ayns cruinlagh eayst.
Erreish daue ve currit da'n Eayst liorish y trass keim jeh'n Saturn V, ren ny shiaulteyryn rollageagh scarrey yn saagh spoar voish as dettyl ad feie tree laaghyn derrey hie ad stiagh ayns cruinlagh mygeayrt yn Eayst. Eisht, darree Armstrong as Aldrin stiagh ayns Eagle as ren ad tarlheimmey ayns Mooir y Chiunys er 20 Jerrey Souree. Ghow ny shiaulteyryn rollageagh ymmyd jeh keim irree Eagle dy launshey voish eaghtyr yn Eayst as dy aachiangley rish Collins 'sy voddyl annee. Cheau ad Eagle magh roish my ren ad h-arraghyssyn ren seiy Columbia magh ass e chruinlagh jerrinagh, mastey ny 30 cruinlee ren eh mygeayrt yn Eayst, as er y vollagh er-ash dys y Dowan. Haink ad er-ash dys y Dowan as ren ad skeolley sheese 'sy Cheayn Sheealtagh er 24 Jerrey Souree lurg ny smoo na hoght laaghyn 'sy spoar.
Va'n chied cheim lesh Armstrong er eaghtyr yn Eayst scaalheanit er çhellveeish vio dys lught fakin er feie yn Dowan. Chur eh sheese er y taghyrt myr "one small step for [a] man, one giant leap for mankind" ("keim veg da dooinney, lheim mooar da'n çheelnaue"). Ren Apollo 11 shickyraghey barriaght ny Steatyn Unnaneysit 'sy Ratçhal Spoar dy haishbyney ard-chioneys 'syn etlagh spoar lurg ren eh cooilleeiney yn dean ashoonagh va treealit ayns 1961 liorish yn Eaghtyrane John F. Kennedy cooilleeinit, "before this decade is out, of landing a man on the Moon and returning him safely to the Earth" ("roish my vel jerrey rish y jeihaght shoh, fer y chur er yn Eayst as eh y chur er-ash dy sauçhey dys y Dowan").[1]