peinteyr Flandrynagh (1599–1641) From Wikipedia, the free encyclopedia
She ellyneyr Barockagh Flandrynagh Brabantagh va'n Reejerey Anthony van Dyck (shimmey lettraghey t'ayn;[1] 22 Mayrnt 1599 – 9 Nollick 1641).[2] Haink er dy ve ny ard-pheinteyr cooyrtey ayns Sostyn erreish da rah y gheddyn 'sy Çheer Injil Yiass as 'syn Iddaal.
Anthony van Dyck | |
---|---|
![]() | |
Ennym ruggyree | Antoon van Dyck |
Ruggit |
22 Mart 1599 Antwerp, y Çheer Injil Spaainagh |
Hooar baase |
9 Mee ny Nollick 1641 (42 bleeaney d'eash) Lunnin, Reeriaght Hostyn |
Boayl oanluckee |
St Paul's Cathedral (en) ![]() |
Seyraanaght | yn Çheer Injil Spaainagh |
Çhengey | Ollanish |
Keird | peinteyr · etçheyder · coyrleyder theater · stiureyder theater · çhyndaader · screeudeyr cloie · peinteyr cooyrtey · tayrneyder · linneyder · ellyneyr reayrtagh |
Shaanrey | peintal chochaslys · peintal chrauee · peintal feayn-skeealleydagh · cochaslys · peintal hendeeagh · cochaslys · peintal beiyn |
Sheshey |
Mary Ruthven (en) ![]() |
Leggad |
Margaret Lemon (en) ![]() |
Ayr | Franchois Van Dyck |
Moir | Maria Cuypers |
Enmys | peinteyr cooyrtey |
Olteynys boayrd |
Antwerp Guild of Saint Luke (en) ![]() |
Aundyryn | |
Kianglaghyn fysseree as sheshoil | |
Discogs ID | 2481639 |
|
Y shiaghtoo mac lesh Frans van Dyck, marçhan sheeidey ass Antwerp, hoshee Anthony peintal tra v'eh feer aeg. Va rah echey myr peinteyr seyr car e yeigyn, as haink er dy ve ny vainshtyr ayns gild Antwerp ayns 1618. Ec y traa shen, v'eh gobbraghey ayns seyrlann y pheinteyr twoaieagh jeh'n eash shen, Peter Paul Rubens, ren cleaney mooar er yn obbyr echey. Ren Anthony gobbraghey ayns Lunnin feie shiartanse dy veeghyn ayns 1621 as hie eh er-ash dys y Flandyryn son tammylt giare roish my ren eh goll dys yn Iddaal. Hannee eh ayn, ayns Genova er y chooid smoo, derrey 1627. Ayns ny 1620yn jeianagh, ren eh goaill jerrey lesh e straih Jallooghrafeeaght jeh etçhalyn cochaslys. Cheau eh queig bleeaney 'sy Flandyryn erreish da çheet er-ash voish yn Iddaal, as, voish y vlein 1630, she peinteyr cooyrtey v'eh er son yn ard-ven-diuc Isabella, Kiannoort Habusburg y Flandyryn. Ayns 1632 hie eh er-ash dys Lunnin dy ve ny ard-pheinteyr cooyrtey, er aghin Halse I Hostyn.
Er lhimmey Holbein, va van Dyck as e cho-emshiragh Diego Velázquez nyn gied pheinteyryn ard-schleioil dobbree myr peinteyryn cochaslyssyn cooyrtey, red chur dy mooar rish y çhaanrey. Ta enney share er er son e chochaslyssyn jeh'n lught ooasle, as er Çhalse I as e vooinjer er lheh. Haink er van Dyck dy ve ny chummaght mooar er peintal cochaslyssyn Hostynagh er feie y nah 150 bleeantyn. Ren eh peintal stooghyn feayn-skeealleydagh as biblagh, goaill stiagh jallooyn, haishbyn eh seyraad ard-yindyssagh myr linneyder, as v'eh ny noader 'syn ushtey-ghaah as 'syn etçhal. Ta'n skeabeydys ard-schleioil, va peintit dy bioyr, anchasley rish ny h-ardjyn mooarey va peintit lesh ny cooneyderyn v'echey. Cheaghil e vod peintal eddyr ny çheeraghyn v'eh gobbraghey, as haink e vod dys e vullagh 'sy jeshid aashit yn eash Hostynagh echey. Ta cummaght as cleaney yn obbyr echey sheeyney stiagh 'syn eash noa-emshiragh. Tra hooar eh baase, v'eh oanluckit ayns Ard-çhiamble Phaayl, Lunnin, red ta taishbyney eh shassoo v'echey car e heihill.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.