Anne Heche
ben-aghteyr Americaanagh (1969–2022) / From Wikipedia, the free encyclopedia
She ben-aghteyr Americaanagh va Anne Celeste Heche (25 Boaldyn 1969 – 12 Luanistyn 2022). Haink enney mie urree tra ren ee cloie yn lannoon Vicky Hudson as Marley Love er y çheabin çhellveeish Another World (1987–1991), raad ren ee cossyn e chied Aundyr Daytime Emmy as daa Aundyr y Soap Opera Digest. Haink enney ny share urree ayns ny 1990yn s'anmey marish paartyn 'sy scannane drama kimmeeys Donnie Brasco (1997), 'sy scannane cragh Volcano (1997), y scannane giarrey I Know What You Did Last Summer (1997), 'sy scannane aittys jantys Six Days, Seven Nights (1998), as 'sy scannane creauagh drama Return to Paradise (1998).
Anne Heche | |
---|---|
Heche ayns 2014 | |
Ennym ruggyree | Anne Celeste Heche |
Ruggit |
25 Boaldyn 1969 Aurora, Ohio, SUA |
Hooar baase |
12 Luanistyn 2022 (53 bleeaney d'eash) Los Angeles, California, SUA |
Bun baaish | baase tuittymagh (drogh-haghyrt raaidey) |
Boayl oanluckee | Hollywood Forever Cemetery (en) |
Ynnyd beaghee |
Los Angeles Aurora (en) |
Seyraanaght | Steatyn Unnaneysit America |
Çhengey | Baarle |
Keird | aghteyr çhellveeish · aghteyr scannane · stiureyder scannane · scaa-screeudeyr · gienteyder scannane · aghteyr ardan |
Bleeantyn obbree | 1987–2022 |
Ynsagh |
Ocean City High School (en) Francis W. Parker School (en) |
Daah sooillyn | gorrym |
Daah fuilt | folt fynn |
Sheshey | Coleman Laffoon (en) (2001 - 2009) |
Leggad |
Ellen DeGeneres (en) James Tupper (en) |
Moir | Nancy Heche |
Braaraghyn as shuyraghyn | |
Aundyryn |
slane rolley
|
Kianglaghyn fysseree as sheshoil | |
IMDb | nm0000162 |
Discogs ID | 340493 |
anneheche | |
X | AnneHeche |
Lurg e paart myr Marion Crane 'sy scannane aa-yeant Psycho (1998) liorish Gus Van Sant, hie Heche er oaie cloie paartyn ayns scannaneyn seyrey lheid as y scannane drama Birth (2004), y scannane aittys keintys Spread (2009), Cedar Rapids (2011), y scannane drama Rampart (2011), as y scannane doo-aittys Catfight (2016). Hooar ee ard-voylley son e paart 'sy scannane çhellveeish Gracie's Choice, chossyn j'ee enmyssaght son Aundyr Primetime Emmy, as son yn obbyr eck er Broadway, goaill stiagh Twentieth Century er lheh.
Gollrish e paartyn scannaneaght as ardan, ren Heche cloie ;sy straih hellveeish drama aittys Men in Trees (2006–08), Hung (2009–11), Save Me (2013), Aftermath (2016), as y straih hellveeish drama chaggee The Brave (2017).[1] Chur ee e goo rish y straih hellveeish vioghit The Legend of Korra (2014), raad ren ee cloie Suyin Beifong, as hie ee magh myr co-streeuder er y 29oo straih jeh Dancing with the Stars (2020).